میرپور:تین میچوں پر مشتمل ٹی20 سیریز کے پہلے میچ میں بنگلہ دیش نے پاکستان کو 7وکٹوں سے شکست دیدی۔
اتوار کو شیرِ بنگلہ نیشنل سٹیڈیم میں 111 رنز کا ہدف بنگلہ دیش نے 16 اوورز میں تین وکٹوں کے نقصان پر حاصل کیا۔
بنگلہ دیش کی جانب سے پرویز حیسن ایمان 56 اور ذاکر علی 15 رنز بنا کر ناٹ آؤٹ رہے۔ان کے علاوہ تنزید حسن ایک، کپتان لٹن داس ایک اور توحید ہردوئے 36 رنز بنا کر آؤٹ ہوئے۔
پاکستان کی جانب سے عباس آفریدی نے ایک اور سلمان مرزا نے دو وکٹیں حاصل کیں۔اس سے قبل پاکستان کی پوری ٹیم 20ویں اوور کی تیسری گیند پر 110 رنز بنا کر ڈھیر ہو گئی تھی۔
پاکستان کی جانب سے فخر زمان 44 رنز کے ساتھ نمایاں رہے۔ان کے علاوہ عباس آفریدی 22، خوشدل شاہ 17، صائم ایوب چھ، فہیم اشرف پانچ، محمد حارث چار، کپتان سلمان علی آغا تین، محمد نواز تین رنز بنا کر آؤٹ ہوئے جبکہ ابرار احمد صفر کے ساتھ ناٹ آؤٹ رہے۔
بھارت کو شکست،پاکستان کے محمد آصف نے ماسٹر اسنوکر چمپئن شپ جیت لی
پاکستان کی جانب سے حسن نواز اور سلمان مرزا بغیر کھاتہ کھولے صفر پر آؤٹ ہوئے۔بنگلہ دیش کی جانب سے تسکین احمد نے تین، مستفیض الرحمان نے دو جبکہ مہدی حسن اور تنظیم حسن ثاقب نے ایک ایک وکٹ حاصل کی۔
پاکستان ٹیم کی قیادت سلمان علی آغا کر رہے ہیں جبکہ بنگلہ دیش کے کپتان لٹن داس ہیں۔
ادھر پاکستان کرکٹ ٹیم نے بنگلادیش کے خلاف پہلے ٹی ٹونٹی میچ میں 2 ناپسندیدہ ریکارڈبھی بنا لئے ہیں۔
یہ بھی پڑھیں:ورلڈ چیمپئن شپ آف لیجنڈز،افتتاحی میچ میں پاکستان نے انگلینڈ کو شکست دیدی
بنگلا دیش کے خلاف پہلے بیٹنگ کرتے ہوئے پاکستانی بیٹنگ لائن بری طرح ناکام ہوئی اور پوری ٹیم 110 رنز پر آؤٹ ہوگئی۔ یہ پاکستان ٹیم کا بنگلادیش کے خلاف ٹی ٹوئنٹی میں اب تک کا سب سے کم ٹوٹل ہے۔
اس کے علاوہ یہ پہلا موقع تھا کہ پاکستان کی پوری ٹیم بنگلادیش کے خلاف ٹی ٹونٹی میچ میں آؤٹ ہوگئی۔
بنگلادیش کے خلاف ٹی ٹونٹی میں قومی ٹیم نے اس سے قبل سب سے کم اسکور 2021 میں بنایا تھا جب میرپور میں ہی کھیلےگئے ٹی ٹوئنٹی میچ میں پاکستان نے بنگلادیش کے خلاف 5 وکٹ پر 127 رنز بنا کر فتح حاصل کی تھی۔
