اسلام آباد:وفاقی وزیر انفارمیشن ٹیکنالوجی شزہ فاطمہ خواجہ نے کہا ہے کہ مالی سال 2024ـ-25ء کے دوران پاکستان کی آئی ٹی، آئی ٹی ایز اور فری لانسرز کی برآمدات 3.8 ارب ڈالر کی ریکارڈ سطح تک پہنچ گئی ہیں، آئی ٹی برآمدات میں مجموعی طور پر 18 فیصد اضافہ ہوا ہے۔
جمعہ کو اپنے ایک بیان میں وفاقی وزیر شزہ فاطمہ خواجہ نے کہا کہ یہ نمایاں کامیابی وزیراعظم شہباز شریف کی ذاتی دلچسپی اور حکومت کی موثر حکمت عملی کا نتیجہ ہے۔
انہوں نے کہا کہ وزیراعظم شہباز شریف کی قیادت میں وزارت انفارمیشن ٹیکنالوجی کی پانچ کلیدی شعبوں میں مرکوز پالیسی اقدامات نے اس ترقی میں کلیدی کردار ادا کیا ہے۔
یہ بھی پڑھیں: پاکستان میں مائیکروسافٹ کے دفاتر بند کرنے کی خبریں گمراہ کن قرار،وزارت آئی ٹی کی وضاحت
ان شعبوں میں عالمی سطح پر پاکستان کی شناخت، ٹیلنٹ ،انفراسٹرکچر میں سرمایہ کاری، پالیسی اقدامات کے ذریعے تحفظ ،معاونت کی فراہمی، مستحکم اور تیز رفتار انٹرنیٹ کی فراہمی یقینی بنانا ہے۔
انہوں نے کہا کہ قومی ڈیجیٹلائزیشن بالخصوص ڈیجیٹل معیشت اور کیش لیس پاکستان کی جانب پیشرفت شامل ہیں، یہ ترقی حکومتی وژن اور پالیسی سازی کی کامیابی ہے۔
یہ بھی پڑھیں: مظفر آباد کے بیروزگارنوجوانوں کیلئے آئی ٹی ایکسیلینس سنٹر کا قیام،معاہدہ طے
شزہ فاطمہ خواجہ نے کہا کہ پاکستان کے باصلاحیت آئی ٹی ماہرین، سٹارٹ اپس اور فری لانسرز کی انتھک کوششیں پاکستان کو عالمی ٹیک فورس بنا رہے ہیں۔
