واشنگٹن:امریکی صدر ڈونلڈ ٹرمپ نے جاپان اور جنوبی کوریا سمیت مزید کئی ممالک پر ٹیرف لگانے کا اعلان کر دیا۔
خبر ایجنسی کے مطابق امریکی صدر ٹرمپ نے مختلف ممالک پر عائد تجارتی ٹیکسوں سے متعلق خطوط سوشل میڈیا پر پوسٹ کرنے شروع کر دئیے۔
صدر ٹرمپ نے اعلان کیا کہ یکم اگست سے جاپان اور جنوبی کوریا سے آنے والی اشیا پر 25 فیصد ٹیکس عائد ہوگا۔
یہ بھی پڑھیں: امریکہ اور چین کا ٹیرف میں 115 فیصد کمی پر اتفاق
اس کے علاوہ امریکی صدر نے تیونس پر 25 فیصد،انڈونیشیا پر 32 فیصد، بوسنیا پر 30 فیصد اور بنگلا دیش پر 35 فیصد ٹیرف عائد کرنے کا اعلان کیا۔
ٹرمپ نے کہا کہ سربیا پر 35 اور کمبوڈیا پر 36 فیصد ٹیرف عائد کیا ہے جبکہ تھائی لینڈ سے 36 فیصد ٹیرف وصول کیا جائےگا۔
امریکی صدر کا کہنا تھا کہ ملائیشیا اور قازقستان پر 25 فیصد ٹیرف لگائیں گے، جنوبی افریقا پر 30 فیصد، لاؤس اور میانمار پر 40 فیصد ٹیرف لگائیں گے۔
اس سے قبل پیر کو امریکا نے مختلف ممالک پر ٹیرف میں اضافے کی ڈیڈ لائن 9 جولائی سے بڑھا کر یکم اگست کرنے کا اعلان کیا تھا۔
