کراچی(کشمیر ڈیجیٹل) تحریک انصاف آزاد کشمیر کو بڑا جھٹکا، چوہدری رفیق نیئر اور جاوید بٹ پیپلز پارٹی میں شامل ہو گئے۔
چوہدری رفیق نیئر اور جاوید بٹ نے پی پی پی شعبہ خواتین کی مرکزی صدر و رکنِ سندھ اسمبلی فریال تالپور سےملاقات ، ملاقات کے دوران دونوں رہنمائوں نے پیپلز پارٹی میں شمولیت کا اعلان کر دیا۔
زرداری ہاؤس کراچی میں ملاقات کے دوران چودھری رفیق نیئر اور وزیرٹرانسپورٹ جاوید بٹ نے اپنے اپنے ساتھیوں اور حامیوں سمیت پیپلز پارٹی میں شمولیت کا اعلان کیا۔
چودھری رفیق نیئر اور جاوید بٹ نے صدر مملکت آصف علی زرداری اور چیئرمین بلاول بھٹو زرداری کی قیادت پر مکمل اعتماد کا اظہار کیا۔
اس موقع پر سردار تنویر الیاس نے کہا کہ کشمیر کاز کو مضبوطی سے آگے بڑھانے اور آزاد کشمیر کی ترقی و بہبود کا واحد سیاسی پلیٹ فارم قائدِ عوام شہید بھٹو اور شہید محترمہ بینظیر بھٹو کی پارٹی ہے، اس کی قیادت اب بلاول بھٹو کے مضبوط ہاتھوں میں ہے۔
فریال تالپور نے چودھری رفیق نیئر اور جاوید بٹ کو ان کے ساتھیوں سمیت پیپلز پارٹی میں شمولیت پر خوش آمدید کہا۔
اس موقع پر آزاد کشمیر کے وزیر و پی پی پی آزاد کشمیر کے جنرل سیکرٹری فیصل ممتاز اور چودھری محمد ریاض بھی موجود تھے۔
