مظفرآباد(کشمیر ڈیجیٹل) سابق چیف جسٹس ہائیکورٹ صداقت حسین نے وکالت کا لائسنس بحال کرنے کی درخواست کر دی۔آزاد کشمیر ہائی کورٹ کے سابق چیف جسٹس صداقت حسین راجہ، جو حال ہی میں ریٹائر ہوئے ہیں نے جمعرات کو اپنا وکالت کا لائسنس بحال کرنے کیلئے درخواست دیدی ہے۔
سابق چیف جسٹس صداقت حسین اس حوالے سے آزاد جموں و کشمیر بار کونسل کو خط لکھا۔ایک خط میں، انہوں نے کہا کہ ان کا لائسنس ابتدائی طور پر اے جے کے بار کونسل نے دیا تھا لیکن ہائی کورٹ کے جج کے طور پر ترقی کی وجہ سے اسے منسوخ کر دیا گیا تھا۔
صداقت حسین نے لکھا کہ مجھے آپ کو یہ بتاتے ہوئے خوشی ہو رہی ہے کہ میں نے اپنی خدمات مکمل کر لی ہیں۔ میں ایک بار اپنے قانونی نظام میں حصہ ڈالنے کے لیے اپنی قانونی پریکٹس دوبارہ شروع کرنا چاہتا ہوں،
۔سابق چیف جسٹس صداقت حسین راجہ رواں ماہ کے اوائل میں ریٹائر ہو گئے تھے۔اس ریٹائرمنٹ کے بعد آزاد جموں و کشمیر کے صدر نے جسٹس سردار لیاقت حسین کو چیف جسٹس مقرر کر دیا۔
آزادکشمیر کی تمام جماعتیں کمزور اور سیاسی قیادت بے اثر ہوچکی،طارق فاروق
