باکو:آذربایجان کےانسٹی ٹیوٹ فار ڈیموکریسی اینڈ ہیومن رائٹس کے سربراہ ڈاکٹر احمد شائراولو کا کہنا ہے کہ پاکستان نے بھارتی دھمکیوں کا منہ توڑ جواب دے دیا۔
سماجی رابطے کے پلیٹ فارم ایکس پر اپنے بیان میں ڈاکٹر احمد شائراولو نے کہا کہ آذربائیجان کو پابندیوں اور سفری بائیکاٹ کی دھمکیاں دینے والے بغور تاریخ پڑھیں، آذربائیجان کی قوم نے کسی دباؤ کے آگے جھکنا نہیں سیکھا۔
ڈاکٹر احمد شائر اولو نے کہا کہ ہم اپنے بھائی پاکستان کے جائز موقف پر مضبوطی سے اس کے ساتھ کھڑے ہیں، کوئی بھی سیاسی دھمکی ہمارا موقف تبدیل نہیں کر سکتی۔
انہوں نے کہا کہ انڈین ٹورازم کمپنیاں بائیکاٹ یامعاشی دباؤ کی بات کی ہے لیکن باکو نے واضح جواب دے دیا ہے، ہم اپنا انصاف پسند موقف نہیں چھوڑیں گے۔
احمد شائر اولو کا کہنا تھا کہ آذربائیجان نے کبھی ذاتی فائدے کیلئے کسی بھائی کو دھوکا نہیں دیا، ہماری دوستی کاروبار نہیں، یہ اقدار کا معاملہ ہے، ہم ناصرف اپنی معیشت بلکہ اپنی سیاسی آزادی کا بھی تحفظ کرتے ہیں۔
انہوں نے کہا کہ ہو سکتا ہے سیاح کم آئیں، چاول کی کچھ برآمد رک جائے لیکن عزت اور بھائی چارہ ہمیشہ رہے گا۔
یہ بھی پڑھیں: پاک، بھارت کشیدگی: آذربائیجان کا بھی پاکستان کی مکمل حمایت کا اعلان
