جنیوا میں جاری مذاکرات میں پیشرفت کے بعد امریکا اور چین کے درمیان تجارتی معاہدہ ہوگیا۔امریکی میڈیا کے مطابق سوئٹزرلینڈ کے شہر جنیوا میں جاری تجارتی مذاکرات میں اہم پیشرفت ہوئی ہے اور دونوں ممالک کے درمیان تجارتی معاہدہ طے پا گیا ہے۔
حکام کے مطابق مذاکرات میں امریکی نائب صدر، 2 وزراء اور سفیر شریک ہوئے اور وائٹ امریکی صدر کو مذاکرات کے نتائج سے آگاہ کر دیا گیا۔
اس حوالے سے امریکی وزیر خزانہ کا کہناہے کہ چین کے ساتھ مذاکرات میں نمایاں پیش رفت ہوئی ہے اور تجارتی معاہدے کی تفصیلات کل صبح جاری کی جائیں گی۔
امریکی تجارتی نمائندے جیمیسن گریز کا کہناہے کہ چین کے ساتھ مذاکرات کے نتیجے میں مثبت پیشرفت ہوئی، معاہدہ تجارتی خسارہ کم کرنے میں مددگار ہوگا
انہوں نے کہا کہ امریکا کا 1.2 ٹریلین ڈالر تجارتی خسارہ کم کرنے کیلئے معاہدہ اہم ہے۔
یہ بھی پڑھیں: کسی بھی جارحیت پر پاکستان کے ساتھ کھڑے ہوں گے،چین کااعلان
