تازہ ترین اطلاعات کے مطابق سرینگر ایئربیس کے بعد اب بھارت کی اہم ترین بٹھنڈہ ایئرفیلڈ کو بھی کامیابی سے نشانہ بنایا گیا ہے۔اس سے قبل سرینگر ایئربیس پر کیے گئے حملے میں 20 بھارتی فوجی ہلاک ہو چکے ہیں، جب کہ پورے خطے میں بھارتی افواج سخت دباؤ اور بوکھلاہٹ کا شکار نظر آ رہی ہیں۔
پاکستان کی جانب سے شروع کئے گئے آپریشن بُنْيَانٌ مَّرْصُوْص (آہنی دیوار) کا آغازپر دشمن کو بڑے پیمانے پر نقصان کاسامنا کرنا پڑا ہے جس کی تفصیلات سامنے آگئی ہیں ۔
تفصیلات کے مطابق پاک فوج نے بیاس براہموس میزائل اسٹوریج تباہ، پٹھان کوٹ ایئر ڈیفنس سسٹم اور ایئر بیس کو شدید نقصان، پٹھانکوٹ ایئرفیلڈ کو تباہ کردیا گیا ہے۔
پاکستان کی طرف سے جالندھر ایئربیس، گجرات کے ایئربیسزپر بھی حملے کئے گئے ہیں، دہلی پر میزائل برسائے گئے جنہیں دہلی کے حصار کے قریب روکا گیا ہے۔
راجستھان میں بھی فوجی تنصیبات کو نقصان پہنچایا گیا ہے جبکہ چندی گڑھ میں بھی ہتھیاروں کا ڈپو تباہ کردیا گیا ہے اس کے علاوہ بھارتی فوج کے مزید 20ٹھکانوں کو بھی نشانہ بنایا گیا ہے۔
پاکستان کی جانت سے فتح میزائل ون کا استعمال کیا گیا جس سے بھارتی بریگیڈ ہیڈکوارٹرکے جی ٹاپ اورسپلائی ڈپو اڑی کو بھی تباہ کردیا گیا ہے۔
پاک فوج نے براہموس میزائل کی دوسری سائٹ بھی تباہ کیا گیا ہےاوربھارتی آرٹلری گن پوزیشن دہرنگیاری کو بھی تباہ کردیا گیا۔
پاکستان کے جے17تھنڈر نے آدم پورمیں بھارت کا ایئر ڈیفنس سسٹم S400تباہ کردیا، ذرائع کے مطابقS400ایئر ڈیفنس سسٹم کی مالیت لگ بھگ 1.5 بلین ڈالر ہے
پاک فوج نے راجوڑی میں پاکستان میں دہشتگردی کروانے والا بھارتی ملٹری انٹیلیجنس کا تربیتی مرکز تباہ بھی تباہ کردیا ہے۔
پاکستان نے سائبر اٹیک سے ہندوستان کے 70 فیصد بجلی گرڈ کو ناکارہ کردیاجس سے بھارت کا70فیصد علاقہ بجلی سے محروم ہوگیاہے۔
سکیورٹی ذرائع کے مطابق سیاسی وعسکری قیادت نے بھارتی میزائل حملوں کا جواب دیا ہے اور بھارتی حکومت کو وارننگ دی ہےکہ بھارت نے اب جارحیت کی تو اس کے ہائی ویلیو زونز کو نشانہ بنایا جائے گا۔
پاکستان بھارت میں مختلف ٹارگٹس کو نشانہ بنایا،پاکستان کے عوام پاک فوج کیلئے دعا گو ہیں اور بھارت کے بزدلانہ حملوں کے بعد سڑکوں پر ہیں، اللہ تعالیٰ دشمن کیخلاف پاک فوج کو کامیابی عطا کرے۔
