اسلام آباد ( مانیٹرنگ ڈیسک ) ڈی جی آئی ایس پی آر کے لیفٹیننٹ جنرل احمد شریف چوہدری نے کہا ہے کہ بھارت ہمیشہ پاکستان پر دہشت گردی کا الزام لگا کر سیاسی فوائد حاصل کرنے کی کوشش کرتا ہے۔
ڈی جی آئی ایس پی آر لیفٹیننٹ جنرل احمد شریف چوہدری نے ترک میڈیا سے بات کرتے ہوئے کہا کہ بھارت نے پاکستان میں 6 مقامات پر حملے کرکے شہریوں کو نشانہ بنایا۔
پاکستان ان بے بنیاد الزامات کو مکمل طور پر مسترد کرتا ہے .انہوں نے کہا کہ پہلگام میں سیاحوں پر حملے کے بعد پاکستانی حکومت نے ذمہ داری ظاہر کی۔
انہوں نے کہا کہ بھارت کو جج، جیوری اور سزا دینے والا بننے کی اجازت نہیں دی جاسکتی، پاکستانی حکومت نے آزادانہ اور غیر جانبدارانہ تحقیقات کی پیشکش کی،بھارت نے پاکستان کی طرف سے اس پیشکش کو قبول کرنے سے انکار کر دیا۔
بھارت کی جانب سے بغیر ثبوت کے پاکستان کے خلاف الزامات کا سلسلہ بند ہونا چاہیے،پاکستانی فوج کے ترجمان نے کہا ہے کہ بھارت ہمیشہ پاکستان پر دہشت گردی کا الزام لگا کر سیاسی فائدہ حاصل کرنے کی کوشش کرتا ہے۔
یہ خبر بھی پڑھیں ۔افواجِ پاکستان نے اب تک 25 اسرائیلی ساختہ ہیروپ ڈرونز کو مار گرایا، آئی ایس پی آر
بھارت نے بغیر کسی معتبر ثبوت کے پاکستان پر حملہ کیا،بھارت نے مساجد پر بمباری کی اور خواتین اور بچوں کو شہید کیا ۔
ہم مطالبہ کرتے ہیں کہ ہندوستان اگر اس کے پاس کوئی ثبوت ہے تو اسے کسی غیر جانبدار ملک کے سامنے پیش کرے۔
لیفٹیننٹ جنرل احمد شریف چوہدری نے کہا ہے کہ پاکستان کو بھارتی گولہ باری کا سامنا ہے اور بھارت سے جان بوجھ کر شہریوں کو نشانہ بنا ر ہا ہے۔
ڈی جی آئی ایس پی آر نے کہا ہے کہ پاکستان صرف چھوٹے ہتھیاروں سے جواب دے رہا ہے، کوئی ڈرون، راکٹ یا بڑے حملے نہیں کیے جا رہے ہیں، پاکستان صرف لائن آف کنٹرول پر ان بھارتی فوجی چوکیوں کو نشانہ بنا رہا ہے جو پاکستانی سرزمین پر فائرنگ کر رہے ہیں
یہ کارروائی صرف دفاعی ہے ،پاکستانی فوج کے ترجمان نے مزید کہا کہ ہم صرف چھوٹے ہتھیاروں سے پوسٹوں کو نشانہ بنا رہے ہیں، یہ کوئی بڑا حملہ نہیں ہے کیونکہ بھارتی میڈیا نے گزشتہ رات سے سنسنی خیز کام کیا ہے۔
بھارت کی طرف سے ایک مکمل میڈیا مہم چلائی جا رہی ہے کہ پاکستان نے ڈرون، ہوائی جہاز اور بین الاقوامی سرحد پر بڑے پیمانے پر حملے کیے ہیں یہ مکمل جھوٹ پر مبنی پروپیگنڈہ ہے جس کا کوئی ثبوت نہیں یہ بہت مضحکہ خیز ہے۔
