اسلام آباد( مانیٹرنگ ڈیسک ) پی آئی اے کا حج سے قبل آپریشن کراچی سے کامیابی کے ساتھ شروع ہوگیا ہے، پی آئی اے کی پہلی حج فلائٹ پی کے 743 صبح سویرے کراچی سے 397 عازمین کو لے کر مدینہ کے لیے روانہ ہوئی۔
اس موقع پر پی آئی اے کے چیف آپریٹنگ آفیسر خرم مشتاق نے حاجیوں کو رخصت کیا،ایک سادہ لیکن باوقار تقریب میں پی آئی اے کے چیف آپریٹنگ آفیسر خرم مشتاق اور دیگر عہدیداروں نے عازمین کو پھول اور تحائف پیش کیے اور پاکستان کی ترقی کے لیے خصوصی دعاؤں کی درخواست کی۔
حاجیوں نے پی آئی اے کے انتظامات پر اطمینان کا اظہار کیا،پی آئی اے اب تک حج سے پہلے کے آپریشن کے تحت 2500 سے زائد عازمین حج کو مختلف شہروں سے سعودی عرب پہنچا چکی ہے۔
پاکستان سے حج پروازوں کا آغاز، پہلی پرواز 442 عازمین کو لے کر مدینہ روانہ
پی آئی اے اس حج آپریشن میں بوئنگ 777 اور ایئربس 320 طیارے استعمال کر رہی ہے۔.7200 سے زائد زائرین کو 39 خصوصی پروازوں کے ذریعے کراچی سے حجاز مقدس پہنچایا جائے گا۔
پہلے مرحلے میں حجاج کی پروازیں پاکستان سے مدینہ کے لیے روانہ ہوں گی جبکہ دوسرے مرحلے میں یہ پروازیں جدہ کے لیے روانہ ہوں گی۔
پی آئی اے حج آپریشن کے دوران 117 خصوصی پروازوں کے ذریعے 35200 زائرین کو مقدس حجاز پہنچایا جائے گا۔
پروازیں کراچی، لاہور، اسلام آباد، کوئٹہ، ملتان اور پشاور سے چلائی جا رہی ہیں،پی آئی اے کا حج سے پہلے کا آپریشن 31 مئی تک جاری رہے گا۔
