اسلام آباد:وفاقی حکومت نے پٹرولیم مصنوعات کی قیمت میں کمی کا اعلان کردیا اور اس کا نوٹیفکیشن بھی جاری کردیا۔
وزارت خزانہ کی جانب سے جاری پٹرولیم مصنوعات کی قیمتوں میں کمی کا نوٹیفکیشن جاری کردیا گیا، جس کے مطابق پٹرولیم مصنوعات میں 2روپے کی کمی کردی گئی ہے۔
نوٹیفکیشن میں کہا گیا ہے کہ حکومت نے اوگرا اور متعلقہ وزارتوں کی تجاویز کی بنیاد پر اگلے 15 روز کے لئے پٹرولیم مصنوعات کی قیمت میں ردوبدل کا فیصلہ کیا ہے۔
نوٹیفکیشن کے مطابق پٹرول کی قیمت 2روپے کمی کے بعد 254.63 روپے سے کم ہو کر 252.63 روپے فی لٹر ہوگئی ہے۔
اسی طرح ہائی اسپیڈ ڈیزل کی قیمت258.64 روپے لیٹر سے کم کرکے 256.64روپے فی لیٹر مقرر کردی گئی ہے۔
پیٹرولیم مصنوعات کی نئی قیمتوں کا اطلاق آج رات بارہ بجے سے ہوگا اور اس کا اطلاق اگلے پندرہ روز تک ہوگا۔
