واشنگٹن:ترجمان امریکی محکمہ خارجہ نے کہاہے کہ پاکستان بھارت کشیدگی خاتمہ کیلئے امریکی وزیرِ خارجہ پاکستان اور بھارت سے رابطہ کریں گے، امریکا دونوں ملکوں میں کشیدگی ختم کرنے پر کام کررہا ہے۔
ترجمان امریکی محکمہ خارجہ نے کہا کہ امریکی وزیرِ خارجہ مارکو روبیوجلد ہی پاکستان اور بھارت کے ہم منصبوں سے رابطہ کریں گے تاکہ دونوں ممالک کے درمیان جاری کشیدگی کو کم کیا جا سکے۔
ٹیمی بروس کا کہنا تھا امریکہ جنوبی ایشیا میں امن و استحکام کیلئے فعال کردار ادا کر رہا ہے اور دونوں ایٹمی طاقتوں کے درمیان بہتر تعلقات کا خواہاں ہے۔
ترجمان نے کہا کہ امریکا اس بات پر زور دیتا ہے کہ مسائل کا حل بات چیت سے نکالا جائے۔ دونوں ممالک سے رابطے کا مقصد کشیدگی میں کمی ہے۔
یہ بھی پڑھیں: بھارت پاکستان کے خلاف فوجی کارروائی کے لیے کیس تیار کر رہا ہے: امریکی اخبار کا انکشاف
