ملتان : ایچ بی ایل پاکستان سپرلیگ (پی ایس ایل) 10 کے تیرہویں میچ میں اسلام آباد یونائیٹڈ نے ملتان سلطانز کو 7 وکٹ سے ہرا دیا۔
ملتان میں کھیلےگئے میچ میں ملتان سلطانز کے کپتان محمد رضوان نے ٹاس جیت کر بیٹنگ کا فیصلہ کیا۔
ملتان سلطانز نے پہلے کھیلتے ہوئے 5 وکٹ پر 168 رنز بنائے۔ ملتان کی جانب سے عثمان خان 61، محمد رضوان 36 اور یاسر خان 29 رنز کے ساتھ نمایاں رہے۔
اسلام آباد یونائیٹڈکی جانب سے جیسن ہولڈر، محمد نواز اور شاداب خان نے ایک ایک وکٹ لی۔
اسلام آباد یونائیٹڈ نے 169رنزکا ہدف 18 ویں اوور میں 3 وکٹ کے نقصان پر پورا کرلیا۔
اسلام آباد کی جانب سے آیندریس گوس 45 گیندوں پر 80 رنز بنا کر ناقابل شکست رہے۔
ان کے علاوہ کولن منرو نے 45، صاحبزادہ فرحان نے 22 اور محمد نواز نے 21 رنز بنائے۔
یہ بھی پڑھیں: پی ایس ایل، ملنان سلطانز کی پہلی فتح، لاہور قلندرز کو شکست دیدی
