مظفر آباد: صدرآزاد کشمیر نے تبادلوں،تعیناتیوں پر عائد پابندی میں نرمی کرتےہوئے انتظامی مفاد کے پیش نظرمتعدد ڈپٹی سیکرٹریز کے تبادلوں کی منظوری دیدی۔
تفصیلات کے مطابق ڈپٹی سیکرٹری محکمہ توانائی و آبی وسائل حنا الطاف کو تبدیل کر کے محکمہ سروسز اینڈ جنرل ایڈمنسٹریشن کے ساتھ منسلک کردیا گیا۔
ڈپٹی سیکرٹری محکمہ سروسز بینش جرال کو ڈپٹی سیکرٹری محکمہ مالیات،ڈپٹی سیکرٹری محکمہ سروسزنسیم عباس شاہ کو ڈپٹی سیکرٹری محکمہ زراعت ، لائیوسٹاک، آبپاشی وسمال ڈیمز تعینات کردیا گیا۔
ڈپٹی سیکرٹری محکمہ مالیات محمد گلزار کو تبدیل کر کے ڈپٹی سیکرٹری محکمہ سروسز اینڈ جنرل ایڈمنسٹریشن،ڈپٹی سیکرٹری محکمہ منصو بہ بندی و ترقیات راشد آفتاب بخاری کو تبدیل کر کے ڈپٹی سیکرٹری محکمہ توانائی و آبی وسائل تعینات کردیا گیا۔
ڈپٹی سیکرٹری محکمہ زراعت، لائیوسٹاک، آبپاشی وسمال ڈیمز عاصم خالد اعوان کو ڈپٹی سیکرٹری محکمہ مواصلات و تعمیرات عامہ تعینات کردیا گیا۔
سیکشن آفیسر محکمہ ایلیمنٹری اینڈ سیکنڈری ایجوکیشن محمد آزاد کوگریڈ 18میں ترقی دیتے ہوئے ڈپٹی سیکرٹری محکمہ ہائرایجوکیشن تعینات کردیا گیا۔
اسی طرح سیکشن آفیسرمحکمہ مالیات محمدرفیق کو تبدیل کر کے ڈپٹی سیکرٹری محکمہ صحت عامہ بخلاف خالی اسامی تعینات کردیا گیا۔
