اسلام آباد(کشمیر ڈیجیٹل)دنیا بھر میں مصنوعی ذہانت (اے آئی) کے معروف ماڈلز کی سروسز بیک وقت معطل ہوگئیں۔
انٹرنیٹ سروسز کی بندش پر نظر رکھنے والی ویب سائٹ ڈاؤن ڈٹیکٹرکے مطابق اوپن اے آئی کے چیٹ جی پی ٹی، انتھروپک کے کلاڈ اور ایکس اے آئی کے گروک کی سروسز میں تعطل کی رپورٹس سامنے آئی ہیں۔
امریکی نیوز ویب سائٹ کے مطابق اگرچہ سروسز کا معطل ہونا ایک عام بات ہے لیکن ان تینوں بڑے ماڈلز کا ایک ساتھ بند ہونا غیر معمولی ہے۔
مزید یہ بھی پڑھیں:اطالوی سفارتخانے کی پاکستانی طلبہ کو وارننگ، ویزا کیلئے اہم ہدایات جاری
رپورٹس کے مطابق گوگل جیمینائی کی سروسز میں بھی خلل کی اطلاعات موصول ہوئی ہیں تاہم کمپنی کی جانب سے باضابطہ طور پر سروس معطل ہونے کا کوئی نوٹس جاری نہیں کیا گیا۔
انتھروپک کے کلاڈ ڈیش بورڈ پر ماڈل اوپس 4.8′ اوراوپس 5′ کی سروسز میں خلل کے بارے میں بتایاگیا ہے جبکہ کمپنی کا کہنا ہے کہ دیگر تمام ماڈلز ’بیس لائن ایرر ریٹ پر بحال‘ ہوچکے ہیں۔
دوسری جانب اوپن اے آئی کے ڈیش بورڈ کے مطابق چیٹ جی پی ٹی اور کوڈیکس کو اس وقت مسلسل ’بڑھے ہوئے ایررز‘ کا سامنا ہے۔
مزید یہ بھی پڑھیں:نیویارک : طلباء کے اے آئی استعمال پر ایک سال کیلئے پابندی عائد
ایکس اے آئی کے مطابق گروک میں بھی تکنیکی مسائل پیش آ رہے ہیں اور کمپنی اس مسئلے کو حل کرنے پر کام کر رہی ہے۔
ان تینوں ماڈلز کو کلاؤڈ سروسز فراہم کرنے والا مائیکروسافٹ ایژر بھی اس وقت بندش کا شکار ہے۔
مکان ظاہر کیا جارہا ہے کہ مائیکروسافٹ کی کلاؤڈ سروسز میں پیدا ہونے والا یہ مسئلہ ہی ممکنہ طور پر ان تمام اے آئی ماڈلز کی بندش کی وجہ ہو سکتا ہے۔
