پاکستان میں ایرانی سفیر رضا امیری مقدم نے کہا ہے کہ فی الحال صورتحال ایک نہایت نازک اور حساس مرحلے سے ایک قدم آگے بڑھ چکی ہے۔
رضا امیری نے تجویز دی کہ اگلے مرحلے میں ضروری ہے کہ احترام اور باہمی شائستگی کو ترجیح دی جائے اور بیان بازی اور غیر ضروری تکرار کی جگہ سنجیدگی لے۔
As of now, a step forward from critical, sensitive stage …
In the next stage, respect and comity should be replaced by rethorics and redundancy.
Stay more tuned… https://t.co/jSbUBXYEbl
— Reza Amiri Moghadam (@IranAmbPak) April 7, 2026
انہوں نے سوشل میڈیا سائٹ ایکس پر لکھا کہ جنگ روکنے کے لیے پاکستان کی مثبت اور نتیجہ خیز نیک نیتی پر مبنی کوششیں ایک نہایت اہم اور حساس مرحلے میں داخل ہو رہی ہیں۔
انہوںنے لکھا کہ مزید پیش رفت کے لیے جڑے رہیں۔
یاد رہے کہ ایک ٹویٹ میں شہبازشریف کا کہنا تھا کہ سفارت کاری کو اپنا راستہ چلانے کی اجازت دینے کے لیےمیں صدر ٹرمپ سے درخواست کرتا ہوں کہ وہ آخری تاریخ کو دو ہفتوں تک بڑھا دیں۔
یہ بھی پڑھیں:فیلڈ مارشل عاصم منیر گفتگو آگے بڑھا رہے ، جلد اچھی خبر متوقع، امریکی میڈیا
انہوں نے کہا کہ پاکستان پورے خلوص کے ساتھ ایرانی بھائیوں سے جذبہ خیر سگالی کے طور پر آبنائے ہرمز کو 2ہفتوں کے لیے کھولنے کی درخواست کرتا ہے۔
شہبازشریف نےاپیل کی ہم تمام متحارب فریقوں سے بھی درخواست ہے کہ وہ خطے میں طویل مدتی امن اور استحکام کے مفاد میں جنگ کے حتمی خاتمے کے لیے سفارت کاری کو موقع دیں اور دو ہفتوں کے لیے جنگ بندی کی پابندی کریں۔
وزیراعظم کے ٹویٹ کے بعد عالمی مارکیٹ میں تیل کی قیمتوں میں بھی نمایاں کمی ہوئی ہے۔
