ریاض: پاکستان کے آرمی چیف فیلڈ مارشل سید عاصم منیر اور سعودی وزیر دفاع شہزادہ خالد بن سلمان کے درمیان سعودی دارالحکومت ریاض میں ایک اہم ملاقات ہوئی ہے۔ اس ملاقات میں پاک سعودی دفاعی معاہدے سمیت علاقائی صورتحال اور خطے کے تازہ ترین حالات پر تفصیلی تبادلہ خیال کیا گیا۔
ملاقات کے دوران دونوں رہنماؤں نے سعودی عرب پر ایرانی حملوں اور پاک سعودی دفاعی معاہدے کے تحت اسٹرٹیجک تعاون کے ذریعے ان حملوں کو روکنے کے اقدامات پر غور کیا۔ فیلڈ مارشل سید عاصم منیر اور شہزادہ خالد بن سلمان نے اس بات پر اتفاق کیا کہ ایرانی حملوں سے علاقائی امن، سلامتی اور استحکام کو شدید نقصان پہنچا ہے۔ دونوں ممالک نے اس امید کا اظہار کیا کہ ایران دانشمندی کا مظاہرہ کرتے ہوئے ہمسایہ ممالک کی خودمختاری کا احترام کرے گا اور کسی بھی قسم کے غلط اندازوں سے گریز کرے گا۔
یہ بھی پڑھیں: پاک سعودی افواج دفاعی معاہدے کے تحت تعاون آگے بڑھانے پر متفق
Met with Pakistan’s Chief of Army Staff and Chief of Defense Forces, Field Marshal Asim Munir. We discussed Iranian attacks on the Kingdom and the measures needed to halt them within the framework of our Joint Strategic Defense Agreement. We stressed that such actions undermine… pic.twitter.com/OuELnf9LU6
— Khalid bin Salman خالد بن سلمان (@kbsalsaud) March 7, 2026
واضح رہے کہ پاکستان اور سعودی عرب کے درمیان ایک مشترکہ اسٹریٹجک دفاعی معاہدہ موجود ہے، جس کے تحت اگر کسی بھی ملک پر بیرونی مسلح حملہ ہوتا ہے تو اسے دونوں ممالک پر حملہ تصور کیا جائے گا۔ اس تاریخی دفاعی تعاون کا مقصد دونوں ممالک کی دفاعی صلاحیتوں کو مضبوط بنانا اور خطے میں پائیدار امن و استحکام کو یقینی بنانا ہے۔
