چیئرمین پاکستان کرکٹ بورڈ (پی سی بی) محسن نقوی نے بھارت اے کے خلاف پاکستان شاہینز کی فتح کو ہم سب کے لیے فخر کا لمحہ قرار دے دیا ہے۔ محسن نقوی نے کہا کہ رائزنگ اسٹار ایشیا کپ میں پاکستان کی ٹیم کی دبنگ، نڈر اور ناقابل فراموش پرفارمنس واقعی قابل تعریف ہے۔
انہوں نے مزید کہا کہ سری لنکا کے خلاف ون ڈے سیریز میں پاکستان کی جانب سے کلین سوئپ بھی قابل تعریف ہے اور بیک ٹو بیک شاندار پرفارمنسز پر کھلاڑیوں، کوچز اور انتظامیہ کے جذبے پر فخر ہے۔ محسن نقوی نے کہا کہ ٹیم کے ان لڑکوں پر بھروسہ اور یقین رکھیں، کیونکہ یہ ملک کے لیے اپنا سب کچھ دے رہے ہیں۔
یہ بھی پڑھیں: قومی کرکٹر محمد رضوان نے ون ڈے کرکٹ میں اہم سنگ میل عبور کرلیا
چیئرمین پی سی بی کی اس تعریف کے ساتھ ہی گورنر سندھ کامران ٹیسوری اور وزیراعلیٰ سندھ مراد علی شاہ نے بھی ون ڈے سیریز میں پاکستان کی کامیابی پر کرکٹ ٹیم کو مبارکباد پیش کی ہے۔ دونوں رہنماؤں نے ٹیم کی کارکردگی کو سراہتے ہوئے کہا کہ یہ کامیابیاں پاکستانی کرکٹ کے لیے مثبت اور حوصلہ افزا ہیں۔
پاکستان شاہینز کی بھارت اے کے خلاف جیت نے نہ صرف ٹیم کے حوصلے بڑھائے بلکہ شائقین کرکٹ میں بھی خوشی کی لہر دوڑا دی۔ اس فتح سے یہ بات واضح ہوئی کہ نوجوان کھلاڑی دبنگ اور پرعزم انداز میں مقابلہ کر کے ملک کا نام روشن کر سکتے ہیں۔
یہ بھی پڑھیں: سری لنکا کو وائٹ واش کرنے کا کریڈٹ کسے جاتا ہے؟ شاہین آفریدی نے بتا دیا
پی سی بی کی قیادت اور سندھ حکومت کی طرف سے کھلاڑیوں، کوچز اور انتظامیہ کی محنت کو سراہنا اس بات کی عکاسی ہے کہ قومی کرکٹ ٹیم کی کامیابیاں ملک بھر میں فخر اور حوصلہ افزائی کا باعث بنتی ہیں۔
پاکستان شاہینز کی یہ کامیابیاں مستقبل کے لیے امید افزا ہیں اور اس بات کا یقین دلاتی ہیں کہ نوجوان کھلاڑی ہر میدان میں اپنے بہترین پرفارمنس کے ذریعے ملک کے لیے سب کچھ دینے کے لیے تیار ہیں۔
