اسلام آباد(کشمیر ڈیجیٹل)بھارت پر مزید امریکی ٹیرف کا خطرہ منڈلانے لگا ہے، ٹرمپ پیوٹن مذاکرات ناکام ہوئے تو بھارت پر مزید اضافی ٹیرف لگے گا۔
غیرملکی میڈیا رپورٹس کے مطابق امریکی وزیرخزانہ نے کہا ہے کہ اگر ٹرمپ پیوٹن مذاکرات ناکام ہوئےتو بھارت پر مزید بھی اضافی ٹیرف لگے گا، 27 اگست سے بھارت پر تاریخ کا سب سے بھاری امریکی ٹیرف لاگو ہوگا، امریکا روسی تیل خریدنے پر بھارت پر پہلے ہی 50 فیصد ٹیرف نافذ کرچکا ہے۔
ٹرمپ اور پیوٹن کل الاسکا کے شہر اینکریج میں ملاقات کریں گے، امریکی صدر ڈونلڈ ٹرمپ کا کہنا ہے کہ روسی صدر پیوٹن ڈیل کےلیے تیار ہیں، روس پر مزید پابندیوں کے خدشے نے مذاکرات کی راہ ہموار کی۔
ڈونلڈ ٹرمپ کا کہنا ہے کہ یوکرین میں فوری جنگ بندی کا امکان واضح نہیں لیکن معاہدے میں دلچسپی ہے، پیوٹن سے ملاقات کے بعد یوکرینی صدر سے بھی رابطہ کرونگا۔
امریکی میڈیا نے دونوں عالمی رہنمائوں کی ملاقات کے حوالے سے بتایا کہ ڈونلڈ ٹرمپ نے فالواپ ملاقات کیلئے 3 ممکنہ مقامات ذہن میں رکھے ہیں۔
مزید یہ بھی پڑھیں: چین نے پاکستان کو فوجی طاقت کا نیا مرکز بنا دیا، بھارتی دفاعی تجزیہ کارپراوین ساہنی کا اعتراف
