وادی لیپہ میں جاری بارشوں کا سلسلہ آج تیسرے روز بھی برقرار رہا، جس کے باعث موسم نہایت سرد اور خوشگوار ہو گیا ہے۔ درجہ حرارت میں واضح کمی کے بعد شہریوں نے گرم لباس نکال لیے ہیں، جبکہ زرعی ماہرین کا کہنا ہے کہ یہ بارشیں فصلوں کے لیے نہایت مفید ثابت ہوں گی۔ خاص طور پر مکئی، چاول، کپاس اور سبزیوں کی کاشت پر ان کے مثبت اثرات متوقع ہیں۔
محکمہ موسمیات کے مطابق وادی میں آئندہ چوبیس گھنٹوں کے دوران مزید بارشوں کا امکان ہے، جس کے پیش نظر مقامی آبادی کو احتیاط برتنے کی ہدایت جاری کی گئی ہے۔
خوش آئند بات یہ ہے کہ وادی لیپہ میں اب تک کسی بھی قسم کے جانی یا مالی نقصان کی اطلاع موصول نہیں ہوئی۔ تمام تر موسمی صورتحال کے باوجود وادی کو ملک کے دیگر علاقوں سے ملانے والی سڑکیں مکمل طور پر کھلی ہیں اور ٹریفک معمول کے مطابق رواں دواں ہے، جس سے عوام کو آمد و رفت میں کسی قسم کی دشواری کا سامنا نہیں۔
یہ بھی پڑھیں: انڈونیشین بچہ ریان ارکان ڈھیکا کشتی پر رقص سے عالمی اسٹار بن گیا
بارشوں کے باعث فضاء میں خنکی اور تازگی محسوس کی جا رہی ہے اور مقامی لوگ سرد موسم سے لطف اندوز ہوتے نظر آ رہے ہیں۔
