جکارتہ: ایشین فٹبال فیڈریشن (اے ایف سی) ویمن ایشین کپ کوالیفائر میں پاکستان نے تاریخی فتح حاصل کر لی ہے۔
میڈیارپورٹ کے مطابق گروپ ڈی کے میچ میں پاکستان نے میزبان انڈونیشیا کو 2-0 سے شکست دے دی۔
گرین شرٹس کی نادیہ خان اورسوہا ہیرانی نے گول اسکور کئے۔ نادیہ خان نے کھیل کے 8ویں منٹ میں گول کر کے پاکستان کو برتری دلائی۔ یہ پاکستانی کھلاڑی کا انٹرنیشنل کیریئر کا 5واں گول تھا۔
یہ بھی پڑھیں: عالمی شہرت یافتہ فٹبالر رونالڈو کاباقی زندگی سعودی عرب میں ہی بسرکرنے کا فیصلہ
میچ کے 18ویں منٹ میں سوہا ہیرانی نے پنالٹی کو گول میں بدل کر اسکور پاکستان کے حق میں 2-0 کردیا۔
اس دوران ویمن ٹیم کی گول کیپر زیانا جیوراج نے حریف ٹیم کے متعدد حملے ناکام بنائے۔
یہ بھی پڑھیں: آئی سی سی نے ویمنز ٹی 20 پلیئرز رینکنگ جاری کر دی
پاکستان ویمنز کی فیفا رینکنگ میں 157 اور انڈونیشیا کی رینکنگ 95 ہے۔ ایشین کپ کوالیفائر میں پاکستان گروپ کا آخری میچ 5 جولائی کو کرغزستان کے خلاف کھیلے گی۔
پاکستان ویمن فٹبال ٹیم نے ستمبر 2023 کے بعد پہلی انٹرنیشنل کامیابی حاصل کی۔ آخری بار پاکستان نے لاؤس کی ٹیم کو پنالٹیز پر شکست دی تھی۔
