بمبئی (کشمیر ڈیجیٹل)بھارتی فوج نے پہلی بار مئی میں پاکستان کے ساتھ جھڑپوں میں غیر متعین تعداد میں لڑاکا طیاروں کو کھونے کی تصدیق کردی۔
رپورٹ کے مطابق ہندوستان کی فوج نے پہلی بار اس بات کی تصدیق کی ہے کہ اس نے مئی میں پاکستان کے ساتھ جھڑپوں میں غیر متعینہ تعداد میں اپنے لڑاکا طیارے کھو دیے۔
ہندوستانی مسلح افواج کے چیف آف ڈیفنس اسٹاف انیل چوہان نے نقصان کا اعتراف ہفتے کے روز سنگاپور میں شنگری لا ڈائیلاگ میں شرکت کے دوران امریکی نشریاتی ادارے بلومبرگ ٹی وی سے بات چیت کرتے ہوئے کیا۔
بھارتی چیف آف ڈیفنس اسٹاف جنرل انیل چوہان نے سنگاپور میں شنگریلا ڈائیلاگ میں شرکت کے دوران بلومبرگ کے کو دیے گئے انٹرویو میں اعتراف کیا ہے کہ فضائی جنگ کے دوران ’ہمارے جنگی طیارے ضائع ہو گئے‘۔
بھارتی مسلح افواج کے چیف آف ڈیفنس اسٹاف جنرل انیل چوہان نے کہا کہ اہم بات یہ نہیں ہے کہ طیارے گرائے گئے، بلکہ یہ ہے کہ وہ کیوں گرائے گئے، انیل چوہان نے مزید کہا کہ جو غلطیاں ہوئیں، وہ اہم ہیں۔
چیف آف ڈیفنس اسٹاف نے یہ دعویٰ بھی کیا کہ 4 روزہ تنازع کبھی ایٹمی جنگ کے قریب نہیں پہنچا۔
India’s military confirmed for the first time that it lost an unspecified number of fighter jets in clashes with Pakistan in May.
Anil Chauhan, chief of defense staff of the Indian Armed Forces, spoke to Bloomberg TV on Saturday, while attending the Shangri-La Dialogue in… pic.twitter.com/9y3GW6WJfn
— Bloomberg TV (@BloombergTV) May 31, 2025
سی این این اور رائٹرز نے مہینے کے شروع میں رپورٹ کیا تھا کہ امریکی اور فرانسیسی حکام نے بھی اس بات کی تصدیق کی کہ پاکستان نے چین سے حاصل کردہ طیارے کی مدد سے ہندوستانی جیٹ طیارے کو گرایا۔
سی این این نے سینئر امریکی عہدیدار کا حوالہ دیتے ہوئے کہا تھا کہ ان کے تجزیے کے مطابق پاکستانی فورسز نے پاکستان کے اندر ہندوستان کے فضائی حملوں کے دوران جیٹ کو مار گرایا۔
فرانس کے اعلیٰ انٹیلی جنس اہلکار نے بھی سی این این کو بتایا کہ ہندوستانی فضائیہ کے زیر استعمال رافیل لڑاکا طیارہ پاکستان نے مار گرایا۔
بی جے پی کے سینئر سیاستدان پہلے ہی گزشتہ روز 5 بھارتی جیٹ طیاروں کو گرائے جانے کااعتراف کرچکے ہیں۔
جنرل چوہان نے یہ بھی انکشاف کیا کہ بھارت نے اپنی آپریشنل غلطیوں کو تسلیم کیا اور واقعے کے 2 دن کے اندر ان کی اصلاح کی۔
انہوں نے اس بیانیے کو بھی مسترد کر دیا کہ امریکا نے 2 جوہری ہتھیاروں سے لیس پڑوسیوں کے درمیان مکمل جنگ یا جوہری تصادم کو روکنے کے لیے ثالثی کی تھی۔ انہوں نے کہا کہ یہ نظریہ بہت دور کی بات ہے۔
یہ فضائی نقصانات کے حوالے سے ہندوستان کی جانب سے پہلا عوامی اعتراف ہے، جس سے بین الاقوامی سطح پر بالواسطہ طور پر اس معاملے پر پاکستان کے موقف کو تقویت ملتی ہے۔
اس سے ایک روز قبل بھارتیہ جنتا پارٹی (بی جے پی) کے سینئر رہنما اور راجیہ سبھا کے سابق رکن سبرامنیم سوامی نے بھی چونکا دینے والا انکشاف کیا تھا، اور دعویٰ کیا ہے کہ 2 جوہری ہتھیاروں سے لیس پڑوسیوں کے درمیان حالیہ جھڑپ کے دوران پاکستان نے ہندوستانی فضائیہ (آئی اے ایف) کے 5 طیارے مار گرائے تھے۔
وادی نیلم میں محکمہ شاہرات کے غیر جریدہ ملازمین کادھرنا جاری
