مظفرآباد: ایڈیشنل ڈپٹی کمشنر مظفرآباد کے دفتر کی جانب سے 4 مئی کے لیے زندہ مرغی، سبزیوں اور پھلوں کی نئی قیمتوں کا اعلان کر دیا گیا ہے۔ پرائس کنٹرولر کی جانب سے جاری کردہ سرکاری نرخ نامے کے مطابق اشیائے ضروریہ کی قیمتوں میں جزوی طور اتار چڑھاو کیا گیا ہے۔
مرغی اور انڈوں کی نئی قیمتوں کے مطابق، زندہ برائلر مرغی کی فی کلو قیمت415 روپے، بریڈر مرغی کا گوشت 450 روپے فی کلو اور دیسی مرغی کا گوشت 1050 روپے فی کلو طے کیا گیا ہے۔ گولڈن مرغی کی فی کلو قیمت 850 روپے مقرر کی گئی ہے۔
انڈوں کی قیمتیں بھی وزن کے اعتبار سے تقسیم کی گئی ہیں۔ 40 سے 50 گرام وزن والے انڈوں کی فی درجن قیمت 235 روپے، جبکہ 51 سے 65 گرام والے انڈوں کی قیمت 255 روپے فی درجن مقرر کی گئی ہے۔
سبزیوں کی قیمتوں میں بھی عوام کو کچھ ریلیف دیا گیا ہے۔ ٹماٹر 80 روپے فی کلو، آلو دیسی 70 روپے فی کلو، پیاز دیسی سرخ 60 روپے فی کلو، لہسن چائنا 410 روپے، لہسن دیسی 190 روپے، لہسن کوئٹہ 310 روپے، ادرک چائنا 510 روپے، ٹینڈے دیسی 70 روپے، کدو 90 روپے اور کریلہ 130 روپے فی کلو فروخت کیے جائیں گے۔
دیگر سبزیوں میں پالک گڈی 35 روپے، پالک دیسی 70 روپے فی کلو، مٹر 190 روپے، بھنڈی 170 روپے، کھیرا 70 روپے، پھول گوبھی 130 روپے، بندگوبھی 60 روپے، شملہ مرچ 130 روپے ماڑوں 50 روپے اور بینگن گول 110 روپے فی کلو قیمت پر دستیاب ہوں گے۔
پھلوں کی قیمتوں میں کیلا 210 روپے فی درجن، سیب سفید 290 روپے، سیب ایرانی 440 روپے فی کلو، اسٹرابیری 210 روپے، امرود پنجاب 160 روپے، تربوز 80 روپے، شربوز 110 روپے، گرما 130 روپے اور خربوزہ پیلا 110 روپے فی کلو میں دستیاب ہوں گے۔ اس کے علاوہ خربوزہ سفید 110 روپے، کینو 310 روپے اور انگور 610 روپے فی کلو میں ملیں گے۔
حکومت کی جانب سے یہ قیمتیں عوام کی سہولت کے لیے فراہم کی جاتی ہیں، دکانداروں حضرات کو ہدایت ہے کہ لسٹ واضح جگہ پر چسپاں کریں۔
