مظفرآباد: آزاد کشمیر کی قانون ساز اسمبلی کے حلقہ ایل اے 15 سےسردار زرین نے مولانا فضل الرحمان کے پاک فوج سے متعلق حالیہ بیان اور گفتگو پر گہرے دکھ اور دلی صدمے کا اظہار کرتے ہوئے شدید ردعمل دیا ہے۔
ایل اے 15 سے تعلق رکھنے والے راہنما سردار زرین نے اپنے ایک خصوصی اور اہم پیغام میں جمیعت علمائے اسلام کے سربراہ مولانا فضل الرحمان کو مخاطب کرتے ہوئے کہا کہ جس لہجے میں اور جو گفتگو انہوں نے پاک فوج کے بارے میں فرمائی ہے، اسے سن کر انہیں شدید دکھ ہوا ہے اور دلی طور پر یہ صدمہ پہنچا ہے کہ ملک کے ایک سینئر سیاستدان اس قسم کی گفتگو فرما رہے ہیں۔
بھارت کا خطرہ اور پاک فوج کی اہمیت:
سردار زرین نے مولانا فضل الرحمان کو یاد دہانی کرواتے ہوئے کہا کہ پاکستان ایک ایسی جغرافیائی جگہ پر واقع ہے جہاں دوسری جانب آر ایس ایس (RSS) اور ہندوتوا کے فلسفے پر چلنے والا ملک بھارت ہے جس پر نریندر مودی حکمران ہے۔ ایسی صورتحال میں پاکستان کے لیے فوج ضروری ہے یا سیاست؟ انہوں نے واضح الفاظ میں کہا کہ یہ ہماری پاک فوج ہی ہے جس کی وجہ سے آج پاکستان کا وجود مکمل طور پر قائم و دائم ہے۔
یہ بھی پڑھیں: مولانا فضل الرحمان کے بیان کی شدید مذمت: سنٹرل بار کے پریس سیکرٹری ایڈووکیٹ سید نواز حیدر کا اہم ردعمل
سیاست، اسمبلیاں اور قومی غیرت:
سردار زرین کا مزید کہنا تھا کہ پاک فوج موجود ہے تو مولانا فضل الرحمان کی سیاست قائم ہے، انہی کی وجہ سے اسمبلیاں، سینٹ اور تمام اہم قومی ادارے قائم ہیں۔ اگر خدانخواستہ پاک فوج نہیں ہوگی تو کچھ بھی باقی نہیں رہے گا اور نہ ہی پاکستان ہوگا۔ انہوں نے مولانا فضل الرحمان کو مشورہ دیتے ہوئے کہا کہ وہ اپنی سیاست ضرور کریں لیکن یہ بات ذہن نشین رکھیں کہ پاک فوج ہماری ریڈ لائن ہے اور وہ پاکستان کی بقا کی ضامن ہے۔ انہوں نے اپنے بیان کے اختتام پر کہا کہ پاک فوج کے خلاف ایک لفظ بھی جو شخص برداشت کرے گا اس کے اندر قومی غیرت کا وجود نہیں ہے۔
