یومِ بحریہ: نیول چیف ایڈمرل نوید اشرف کی یادگارِ شہدا پر حاضری، پھولوں کی چادر چڑھائی

تازہ ترین, کشمیر ڈیجیٹل / / By

یومِ بحریہ کے موقع پر پاک بحریہ کے سربراہ چیف آف دی نیول اسٹاف ایڈمرل نوید اشرف نے شہداء کی یادگار پر حاضری دی اور انہیں خراجِ عقیدت پیش کیا۔ نیول ہیڈ کوارٹرز اسلام آباد میں یومِ بحریہ کی مناسبت سے یادگارِ شہداء پر پروقار تقریب کا انعقاد کیا گیا، جس میں ایڈمرل نوید اشرف نے بطور مہمان خصوصی شرکت کی۔

چیف آف دی نیول اسٹاف نے یادگارِ شہداء پر پھولوں کی چادر چڑھائی اور شہداء کے ایصالِ ثواب کے لیے فاتحہ خوانی کی، جبکہ انہیں سلامی بھی پیش کی۔

یہ بھی پڑھیں: مزار قائد پر گارڈز کی تبدیلی کی تقریب، پاک فضائیہ نے فرائض سنبھال لیے

تقریب میں شرکاء کی آمد اور خراجِ تحسین

تقریب میں پاک بحریہ کے افسران، چیف پیٹی آفیسرز، سیلرز اور نیوی سویلینز کے علاوہ شہداء کے اہلِ خانہ نے بھی شرکت کی۔ تقریب کے دوران شہداء کی عظیم قربانیوں کو یاد کیا گیا اور ملک کے دفاع کے لیے ان کی خدمات کو خراجِ تحسین پیش کیا گیا۔

Must Read