پاکستان میں آج سونے کی قیمتوں میں کوئی تبدیلی نہیں ہوئی اور گزشتہ روز کی قیمتیں برقرار ہیں۔
آل پاکستان صرافہ جیمز اینڈ جیولرز ایسوسی ایشن کے مطابق ملک بھر میں فی تولہ سونے کی قیمت 4 لاکھ 83 ہزار 36 روپے پر برقرار ہے۔ اسی طرح 10 گرام سونے کی قیمت بھی 4 لاکھ 14 ہزار 125 روپے پر برقرار ہے۔
صرافہ مارکیٹ ذرائع کے مطابق آج مقامی مارکیٹ میں سونے کے نرخوں میں اضافے یا کمی کے بجائے استحکام دیکھا گیا ہے، جس کے باعث گزشتہ روز مقرر ہونے والی قیمتیں ہی آج بھی نافذ ہیں۔
دوسری جانب عالمی بلین مارکیٹ میں بھی سونے کی قیمت میں کوئی تبدیلی نہیں ہوئی۔ عالمی بازار میں سونا 4 ہزار 605 ڈالر فی اونس کی سطح پر برقرار ہے۔
ماہرین کے مطابق عالمی مارکیٹ میں سونے کی قیمتوں میں ہونے والی معمولی تبدیلیوں کا اثر پاکستانی مارکیٹ میں بھی مقامی نرخوں پر پڑتا ہے ۔
تاہم آج عالمی سطح پر قیمت مستحکم رہنے کے باعث پاکستان میں بھی سونے کے نرخوں میں کوئی نمایاں ردوبدل نہیں کیا گیا۔
واضح رہے کہ پاکستان میں سونے کی قیمتیں عالمی مارکیٹ کے نرخ، ملکی کرنسی کی قدر اور مقامی طلب و رسد سمیت مختلف عوامل کی بنیاد پر تبدیل ہوتی رہتی ہیں۔
