اسلام آباد: بینک الفلاح نے اپنے صارفین کے لیے ایک خصوصی آفر متعارف کرائی ہے، جس کے تحت اب ہونڈا CD 70 ماڈل 2026 سمیت اٹلس ہونڈا کے منتخب ماڈلز بغیر کسی ڈاؤن پیمنٹ کے حاصل کیے جا سکتے ہیں۔
اس خصوصی فنانسنگ پلان کا مقصد مہنگائی کے اس دور میں شہریوں کے لیے اپنی سواری کا حصول آسان بنانا ہے۔ اس آفر کے تحت موٹر سائیکل کی خریداری کے لیے کسی قسم کی پیشگی رقم (ڈاؤن پیمنٹ) ادا کرنے کی ضرورت نہیں ہے، اور ماہانہ قسط صرف 5,700 روپے سے شروع ہوتی ہے۔
یہ بھی پڑھیں: اٹلس ہونڈا کا پاکستان میں 5.3 ارب روپے کی سرمایہ کاری کا اعلان
صارفین بینک الفلاح کے پرسنل لون یا کریڈٹ کارڈ انسٹالمنٹ پلانز کے ذریعے یہ سہولت حاصل کر سکتے ہیں۔ بینک کی جانب سے اس سکیم پر کوئی سود وصول نہیں کیا جائے گا، تاہم صارفین کو ضروری پروسیسنگ چارجز اور ٹیکسز ادا کرنا ہوں گے۔ بینک کے مطابق موٹر سائیکلوں کی ڈیلیوری اسٹاک کی دستیابی پر منحصر ہوگی کیونکہ یہ آفر محدود وقت کے لیے ہے۔
ہونڈا بائیکس کی قیمتیں:
حالیہ مارکیٹ ڈیٹا کے مطابق، پاکستان میں ہونڈا CD 70 کی قیمت تقریباً 159,900 روپے ہے، جبکہ ہونڈا CG 125 کی قیمت 238,500 روپے تک پہنچ چکی ہے۔ ماہرین کا ماننا ہے کہ اس طرح کے فنانسنگ پروگرامز سے موٹر سائیکلوں کی فروخت میں اضافہ ہوگا اور متوسط طبقے کو نقل و حمل کے بہتر ذرائع میسر آئیں گے۔
ہونڈا CD 70 ماڈل 2026 کے فیچرز:
اٹلس ہونڈا CD 70 ماڈل 2026 میں 4 سٹروک OHC ایئر کولڈ انجن دیا گیا ہے جو اپنی پائیداری اور بہترین کارکردگی کے لیے مشہور ہے۔ اس میں 4 سپیڈ کونسٹنٹ میش ٹرانسمیشن موجود ہے اور اسے کِک اسٹارٹ کے ذریعے آسانی سے اسٹارٹ کیا جا سکتا ہے۔
مزید پڑھیں: ہونڈا بائیکس 2026: اب بلا سود قسطوں پراپنی پسندیدہ بائیک حاصل کریں
اس موٹر سائیکل کے فیول ٹینک کی گنجائش 8.5 لیٹر ہے، جس میں ایک لیٹر ریزرو کی سہولت بھی شامل ہے تاکہ طویل سفر میں آسانی رہے۔ یہ ماڈل نیلے، سرخ اور سیاہ رنگوں میں دستیاب ہے۔ اس کے دیگر تکنیکی فیچرز میں ملٹی پلیٹ ویٹ کلچ اور بیک بون ٹائپ فریم شامل ہے۔ بہتر گرفت اور مستحکم ڈرائیونگ کے لیے اس میں 17 انچ کے مضبوط ٹائر استعمال کیے گئے ہیں۔ ہونڈا CD 70 ماڈل 2026 کو اسٹائل، کارکردگی اور قیمت کے لحاظ سے صارفین کے لیے ایک پرکشش انتخاب قرار دیا جا رہا ہے۔
