برائیلر مرغی کی قیمت میں اضافہ، انڈے بھی مہنگے

مظفرآباد: آج 22 فروری 2025 کو برائیلر مرغی کی قیمت میں نمایاں اضافہ دیکھا گیا ہے جبکہ برائیلر گوشت کی فروخت پر عارضی پابندی بدستور برقرار ہے۔

گزشتہ روز 21 فروری کو برائیلر مرغی زندہ کی قیمت 460 روپے فی کلو تھی جو آج بڑھ کر 465 روپے فی کلو تک پہنچ گئی ہے۔ تاہم برائیلر مرغی کا گوشت مارکیٹ میں دستیاب نہیں ہے کیونکہ حکام نے اس کی فروخت پر عارضی طور پر پابندی لگا رکھی ہے۔

دوسری جانب بریڈر مرغی کی قیمتوں میں کوئی تبدیلی نہیں دیکھی گئی۔ زندہ بریڈر مرغی 360 روپے فی کلو جبکہ اس کا گوشت 460 روپے فی کلو پر فروخت ہو رہا ہے۔ دیسی خالص مرغی 1050 روپے اور گولڈن مرغی 850 روپے فی کلو کی قیمت پر مستحکم ہیں۔

یہ بھی پڑھیں: شاہین آفریدی کے بولنگ ایکشن میں خامی، محمد عامر نے نشاندہی کردی

انڈوں کی قیمتوں میں بھی مسلسل اضافہ جاری ہے۔ 40 سے 50 گرام وزن والے انڈے 260 روپے فی درجن جبکہ 51 سے 65 گرام وزن والے انڈے 280 روپے فی درجن پر فروخت ہو رہے ہیں۔