مظفر آباد (کشمیر دیجیٹل نیوز) حکومت آزاد جموں و کشمیر نے چھ ارکان قانون ساز اسمبلی پر مشتمل پبلک اکاؤنٹس کمیٹی قائم کر دی ہے ۔
سابق وزیر خزانہ و رکن قانون ساز اسمبلی عبد الماجد خان کو چیئرمین پبلک اکاونٹس کمیٹی منتخب کر دیا گیا ہے ۔ ماجد خان کو بطور چیئرمین پبلک اکاؤنٹس کمیٹی سرکاری گاڑی ، فیول اور اسمبلی میں دفتر اور سٹاف دیا جائے گا۔
پبلک اکاؤنٹس کمیٹی کے دیگر ارکان میں سردار عتیق احمد خان، وقار احمد نور، محمد اکبر چوہدری، محترمہ کوثر تقدیس گیلانی اورعاصم شریف بٹ شامل ہیں، جو ارکانِ قانون ساز اسمبلی آزاد ریاست جموں و کشمیر ہیں ۔
