آزاد کشمیر کی صرافہ مارکیٹ میں آج 17 فروری 2025 کو سونے کی قیمت میں نمایاں کمی دیکھنے میں آئی ہے۔
صرافہ مارکیٹ میں تازہ ترین اطلاعات کے مطابق 24 قیراط سونے کی فی تولہ قیمت 3 لاکھ روپے جبکہ 10 گرام سونے کی قیمت 2 لاکھ 57 ہزار 200 روپے رہی، دوسری جانب چاندی کی فی تولہ قیمت میں بھی معمولی اضافہ دیکھنے کو ملا جو آج 3 ہزار 250 روپے تک پہنچ گئی ہے۔
اگر گزشتہ روز یعنی 16 فروری 2025 کی قیمتوں کا موازنہ کیا جائے تو 24 قیراط سونے کی فی تولہ قیمت 3 لاکھ 2 ہزار 800 روپے تھی جو آج 2 ہزار 800 روپے کمی کے بعد 3 لاکھ روپے ہو گئی ہے۔ اسی طرح، 10 گرام سونے کی قیمت کل 2 لاکھ 59 ہزار 606 روپے تھی جو آج 2 ہزار 406 روپے کی کمی کے بعد 2 لاکھ 57 ہزار 200 روپے ہو گئی ہے۔ چاندی کی قیمت میں 50 روپے کا اضافہ ہوا ہے جو کل 3 ہزار 200 روپے تھی اور آج بڑھ کر 3 ہزار 250 روپے ہو گئی ہے۔
اگر پاکستان کے دیگر شہروں کی بات کی جائے تو آج کراچی، لاہور، اسلام آباد، فیصل آباد، ملتان، اور دیگر بڑے شہروں میں 24 قیراط سونے کی فی تولہ قیمت 2 لاکھ 93 ہزار 900 روپے ریکارڈ کی گئی۔ راولپنڈی، کوئٹہ، سکردو اور جہلم میں یہ قیمت 2 لاکھ 93 ہزار 800 روپے رہی جبکہ حیدرآباد اور سکھر میں بھی سونے کی قیمت 2 لاکھ 93 ہزار 800 روپے فی تولہ دیکھی گئی۔
