بمبئی(کشمیر ڈیجیٹل)بھارتی ایئرفورس کی سرکاری دستاویزات کیمطابق گزشتہ پانچ سالوں میں780 جنرل ڈیوٹی پائلٹس بشمول فائٹر پائلٹس مستعفی ہوگئے
سرکاری دستاویزی ریکارڈ کے مطابق مئی 2025 کے پاکستان کے ساتھ تنازعہ میں بدترین شکست کے163 نے صرف 2025 میں استعفیٰ دیاجو سب سے زیادہ تعداد ہے۔
رپورٹس کے مطابق بھارت پاکستان جنگ میں ہلاک ہونے والے پائلٹوں کو تسلیم نہ کرنے ان کی فوجی جنازوں سے انکار کرنے کے فیصلے کے بعد استعفے دیئے گئے۔
مبینہ طور پر مرنے والوں کے اہل خانہ کو چھ ماہ تک سخت نگرانی میں رکھا گیا ہے تاکہ سرکاری بیانیے سے متصادم لیکس کو روکا جا سکے۔
مزید یہ بھی پڑھیں:واشنگٹن: ایف۔16 بیڑے کیلئے 686 ملین امریکی ڈالر اپ گریڈ پیکیج منظور
پہلگام فالس فلیگ آپریشن میں عبرتناک شکست کے بعد سینکڑوں بھارتی جنگی پائلٹس نے استعفیٰ دے دیئے ہیں۔
بھارت کی سرکاری دستاویزات کے مطابق ہندوستانی فضائیہ (انڈین ائیر فورس) میں گزشتہ پانچ سال کے دوران مجموعی طور پر 780 جنرل ڈیوٹی پائلٹس جن میں فائٹر پائلٹس بھی شامل ہیں نے استعفیٰ دیا ہے۔
ان میں سب سے زیادہ 163 پائلٹس نے 2025 میں استعفیٰ دیا، جو مئی 2025 میں پاکستان کے ساتھ پیش آنے والے تصادم کے بعد کا سب سے زیادہ ریکارڈ شمار کیا جا رہا ہے۔
ذرائع کے مطابق یہ بڑے پیمانے پر مستعفی ہونے کا سلسلہ اس وقت شروع ہوا جب ہندوستانی فضائیہ نے متنازع فیصلہ کیا کہ تصادم میں ہلاک ہونے والے پائلٹس کو سرکاری طور پر تسلیم نہیں کیا جائے گا اور ان کی فوجی اعزاز کے ساتھ تدفین نہیں کی جائے گی ۔ اس فیصلے سے پائلٹس اور فوجی اہلکاروں میں شدید ناخوشی پائی جاتی رہی ہے۔
رپورٹس کے مطابق، ہلاک ہونے والے پائلٹس کے اہل خانہ کو چھ ماہ تک سخت نگرانی میں رکھا گیا تاکہ کوئی معلومات لیک نہ ہو جو سرکاری بیانیے کے خلاف ہو۔
اہل خانہ پر یہ پابندیاں سرکاری موقف کے مطابق “حساس معلومات کے تحفظ” کے لیے عائد کی گئی تھیں، تاہم ذرائع کا کہنا ہے کہ اس اقدام نے اہل خانہ میں مزید ناراضگی اور خدشات پیدا کیے۔
ماہرین کے مطابق ہندوستانی فضائیہ میں پائلٹس کی یہ بڑی تعداد میں مستعفی ہونے کا سلسلہ ادارے کے اندر اخلاقی مسائل اور فیصلوں پر عدم اعتماد کی نشاندہی کرتا ہے۔
اس صورتحال نے نہ صرف فضائیہ کے تربیتی اور عملی معیار پر اثر ڈالنے کا خدشہ پیدا کیا ہے بلکہ مستقبل میں فوجی استعداد اور دفاعی تیاریوں کے لیے بھی چیلنجز پیدا کر دیئے ہیں۔
واضح رہے کہ 2025 میں سب سے زیادہ استعفیٰ دینے والے پائلٹس کا تعلق ان واقعات سے ہے جو پاکستان کے ساتھ مئی 2025 میں ہونے والے تصادم کے دوران پیش آئے۔
اس واقعے کے بعد پائلٹس کی جانب سے احتجاجی طور پر استعفیٰ دینا اور اہل خانہ کی نگرانی، ہندوستانی فضائیہ میں اعتماد کے بحران کی ایک بڑی علامت سمجھی جا رہی ہے۔
