چین کی معروف الیکٹرک کار ساز کمپنی ایکس پینگ XPENG پاکستان میں اپنی گاڑی لانے کی تیاری کر رہی ہے جو ملک کے بڑھتے ہوئے الیکٹرک گاڑیوں کے شعبے میں ایک اہم پیشرفت تصور کی جا رہی ہے۔
پرو پاکستانی کی رپورٹ کے مطابقکمپنی ابتدا میں ایکس پینگ جی 6 ماڈل متعارف کرانے کی منصوبہ بندی کر رہی ہے جو ایک مڈ سائز الیکٹرک اسپورٹی کار کوپے-ایس یو وی ہے اور 800 وولٹ سیپا 2.0 پلیٹ فارم پر تیار کی گئی ہے۔
یہ پلیٹ فارم تیز رفتار چارجنگ کی سہولت فراہم کرتا ہے، جس کے تحت بیٹری 10 فیصد سے 80 فیصد تک تقریباً 20 منٹ میں چارج ہو جاتی ہے۔
یہ بھی پڑھیں:چینی کمپنی کا پاکستان میں الیکٹرک گاڑیوں کا پلانٹ لگانے کا اعلان
ایکس پینگ جی 6 ماڈل بین الاقوامی سطح پر دو بیٹری آپشنز کے ساتھ دستیاب ہے جس میں 66 کلو واٹ گھنٹہ پیک اور 87.5 کلو واٹ گھنٹہ لانگ رینج پیک شامل ہے۔
بیٹری کی ترتیب کے مطابق، یہ گاڑی تقریباً 435 سے 570 کلومیٹر کے درمیانWorldwide Harmonised Light Vehicle Test Procedure رینج فراہم کرتی ہے۔ ڈبلیو ایل ٹی پی ایک عالمی معیار ہے جو گاڑیوں کی ایندھن کی کھپت اور رینج کو جانچنے کے لیے استعمال ہوتا ہے۔
ڈبلیو ایل ٹی پی ایک ٹیسٹ ہے جو حقیقی ڈرائیونگ کے حالات کو مدنظر رکھتے ہوئے بتاتا ہے کہ گاڑی ایک چارج یا ٹینک میں کتنی دور جا سکتی ہے،یہ ماڈل ریئر وہیل ڈرائیو اور آل وہیل ڈرائیو دونوں ورژنز میں دستیاب ہے۔
یہ بھی پڑھیں: ایک چارج میں 425 کلومیٹرسفر، چینی کمپنی نے پاکستان میں2نئی الیکٹرک گاڑیاں لانچ کردیں
ریئر وہیل ڈرائیو ورژنز صفر سے 100 کلومیٹر فی گھنٹہ کی رفتار تقریباً 6.6 سے 6.2 سیکنڈ میں حاصل کرتے ہیںجبکہ پرفارمنس پر فوکس کیے گئے آل وہیل ڈرائیو ورژن کے لیے یہ وقت صرف تقریباً 4 سیکنڈ ہے۔
جی 6 میں پانچ سیٹوں والا کیبن ہے جو 2 ہزار 890 ملی میٹر کے وہیل بیس پر مبنی ہے اور 571 لیٹر کارگو اسپیس فراہم کرتا ہے۔ انٹیریئر میں جدید ڈیجیٹل لے آؤٹ کے ساتھ وہ تمام کمفرٹ فیچرز شامل ہیں جو ایکس پینگ کے عالمی ماڈلز میں دستیاب ہیں۔
فی الحال گاڑی کی قیمت، مقامی دستیابی اور پاکستان میں لانچنگ کے شیڈول سے متعلق تفصیلات سامنے نہیں آئی ہیں۔
