دنیا میں ایک بار پھر برڈ فلو سر اٹھانے لگا ہے، یورپی ممالک میں مہلک برڈ فلو کے کیسز میں اضافے کے باعث درجنوں پرندے موت کے منہ میں چلے گئے ۔
عالمی میڈیا رپورٹس کے مطابق مہلک برڈ فلو کے باعث بورپ میں سینکڑوں پرندے بیماری کا شکار ہوچکے ہیں
پرندوں کی صحت کیلئے ماہرین کی ایک ٹیم تشکیل دیدی گئی۔ ماہرین نے اس مہلک بیماری کے حوالے سے الرٹ جاری کردیا۔
خبر ایجنسی کے مطابق آسٹریا میں فارم پر ایچ فائیو این ون برڈ فلو کا پھیلاؤ رپورٹ ہوا ہے، فارم میں بیماری کے باعث 50 پرندے ہلاک ہو گئے ہیں۔
مزید یہ بھی پڑھیں:وزیراعظم فیصل ممتاز راٹھور کی زمین پر بیٹھ کر کھانا کھانے کی ویڈیو وائرل
واضح رہے کہ برڈ فلو کو ایویئن انفلوئنزا کے نام سے بھی جانا جاتا ہے، یہ ایک وائرل انفیکشن ہے جو نہ صرف پرندوں کو متاثر کرتا ہے بلکہ یہ وائرس انسانوں اور دیگر جانوروں کو بھی متاثر کر سکتا ہے
زیادہ تر وائرس پرندوں تک ہی محدود ہیں۔H5N1 کو پرندوں کے لیے ایک مہلک وائرس کہا جاتا ہے اور یہ انسانوں اور جانوروں کو آسانی سے متاثر کر سکتا ہے۔۔
H5N1 کو 1997 میں دریافت کیا گیا تھا اور اس سے متاثرہ تقریباً 60 فیصد افراد ہلاک ہو چکے ہیں۔
برڈ فلو کی علامات میں کھانسی، اسہال، سانس کی مشکلات، سانس کی قلت، بخار، سر درد، پٹھوں میں درد، بہتی ہوئی ناک اور گلے کی سوزش شامل ہے۔
