استور:گلگت بلتستان کے ضلع استور میں مارخور کے غیر قانونی شکار پر ایک شخص کو ایک سال قید کی سزا سنادی گئی۔
محکمہ جنگلات استور کے ڈسٹرکٹ فاریسٹ آفیسر کے مطابق ملزم نے 2 روز قبل ڈویا یونین میں مارخور کا غیرقانونی شکار کیا تھا۔
مارخور کے غیر قانونی شکار پر ایک شخص کو ایک سال قید کی سزا سنائی گئی جبکہ ملزم پر 5 کروڑ 7 لاکھ روپے مارخور کا معاوضہ اور دو ہزار روپے کا جرمانہ بھی عائد کردیا گیا۔
معاوضہ ادا نہ کرنے کی صورت میں ملزم کو مزید ایک سال کی قید گزارنا ہوگی۔
یہ بھی پڑھیں: گلگت بلتستان میں مارخور کی ٹرافی ہنٹنگ،مہنگا ترین پرمٹ نیلام
ڈی ایف او کے مطابق ایک اور کارروائی ڈویہاں چیک پوسٹ کے قریب کارروائی کی گئی جہاں 5 من قیمتی جڑی بوٹی کی اسمگلنگ ناکام بناتے ہوئے ایک ملزم کو گرفتار کرکے گاڑی سمیت جڑی بوٹی ضبط کرلی گئی۔
ملزم کو 15 روز قید اور 50 ہزار روپے جرمانہ عائد کیا گیا۔
یاد رہے کہ گلگت بلتستان میں مار خور کی ہرسال کروڑوں روپے کی ٹرافی ہنٹنگ کی جاتی ہے ،رواں سال گلگت بلتستان میں مارخور کے شکار کا ایک پرمٹ 3 لاکھ 70 ہزار ڈالر(پاکستانی تقریباً ساڑھے 10 کروڑ روپے) میں نیلام ہوا تھا۔
یہ بھی پڑھیں: پاکستان وائلڈ لائف پروٹیکشن ایوارڈزنامزدگیاں،سنولیپرڈ ایوارڈ آزادکشمیر کےمحمد اسماعیل کے نام
