لاہور(کشمیر ڈیجیٹل)معروف یوٹیوبر سعد الرحمان عرف ڈکی بھائی سے متعلق تفتیش میں اہم پیشرفت سامنے آئی ہے جس دوران ڈکی بھائی کے گیمبلنگ ایپ کے کنٹری ہیڈ ہونے کا انکشاف ہواہے ۔
ایف آئی اے ذرائع کے مطابق سعد الرحمان نے تشہیر کے دوران گیمبلنگ ایپ سے کروڑوں روپے وصول کئے، ڈکی بھائی 12 جوئے کی ایپلی کیشنز کی تشہیر میں ملوث پائے گئے۔
ڈکی بھائی کو متعدد بار تفتیش میں شامل ہونے کے لئے بلایا گیا، تفتیش میں شامل نہ ہونے پر ڈکی بھائی کا نام پی این آئی ایل لسٹ میں شامل کیا گیا، ڈکی بھائی کو بیرون ملک فرار ہوتے ہوئے ایئرپورٹ سے گرفتار کیا گیا۔
ایف آئی اے حکام کا کہنا ہے کہ ڈکی بھائی نے تشہیر کے لیے گیمبلنگ ایپ سے کروڑوں روپے وصول کیے، یوٹیوبر جوئے کی 12 ایپس کی تشہیر میں ملوث تھے۔
ایف آئی اے حکام کے مطابق ڈکی بھائی کو متعدد بار تفتیش میں شامل ہونے کے لیے بلایا گیا۔
حکام کا کہنا ہے کہ تفتیش میں شامل نہ ہونے پر ڈکی بھائی کا نام پی این آئی ایل لسٹ میں ڈالا گیا، سعد عرف ڈکی بھائی کو بیرون ملک فرار ہوتے لاہور ایئرپورٹ سے گرفتار کیا گیا۔
واضح رہے کہ ملزم کو مقدمہ درج کرنے کے بعد ڈیوٹی مجسٹریٹ کی عدالت لے جایا گیا جہاں اسے دو روزہ جسمانی ریمانڈ پر نیشنل سائبر کرائم انویسٹی گیشن ایجینسی کے حوالے کیا گیا۔
ڈکی بھائی پر غیر قانونی آن لائن جوا کھیلنے والی ایپس کے ذریعے منی لانڈرنگ کا الزام ہے، ڈکی بھائی نے یوٹیوب اور سماجی رابطوں کی ویب سائٹس پر بیٹنگ ایپس کو فروغ دیا۔
ڈکی بھائی پر عوام کو جوا بازی اور غیر قانونی سرمایہ کاری میں ملوث کرنے کا الزام ہے، ملزم سے آئی فون سولہ پرو میکس برآمد کر لیا گیا، مشکوک واٹس ایپ نمبرز اور ڈیٹا بھی حاصل کرلیا، تفتیشی ٹیم میں اسسٹنٹ ڈائریکٹر شعیب ریاض، سب انسپکٹر یاسر رمضان اور ہیڈ کانسٹیبل طاہر شامل ہیں۔
تفتیشی ٹیم کے مطابق ڈکی بھائی سماجی رابطوں کی ویب سائٹس کے ذریعے عوام کو گمراہ کرتا رہا، غیر قانونی ادائیگیوں اور بائنومو پروموشن کے ثبوت برآمد ہوئے ہیں، مزید تحقیقات جاری ہیں، یوٹیوبر کے اثاثوں کی چھان بین کی جارہی ہے اور اثاثوں کا ریکارڈ بھی نیشنل سائبر کرائم ایجنسی نے طلب کر لیا ہے۔
اسٹریٹ چلڈرن فٹبال ٹیم کا برطانیہ کا دورہ، پاکستان کا نام روشن کردیا
