برازیلیا(کشمیر ڈیجیٹل) برازیل میں ایک گائے نے 3 دن میں 343 لیٹر دودھ دے کر عالمی ریکارڈ قائم کر دیا۔
عام طور پر ایک گائے روزانہ 12 سے 35 لیٹر دودھ دیتی ہے لیکن برازیل میں حال ہی میں ایک غیر معمولی واقعہ رونما ہوا جب وہاں ایک گائے نے ایک دن میں تقریباً 114 لیٹر دودھ دیا۔
ماہرین نے گائے کے اس غیر معمولی کارنامے کی وجہ اس کی اعلیٰ نسل، متوازن غذائیت، احتیاط اور جدید ڈیری ٹیکنالوجی کے استعمال کو قرار دے دیا ہے۔
واضح رہے کہ گائے کی ہولسٹین فریزئین نامی نسل دنیا بھر میں دودھ کی اعلیٰ پیداوار کے لیے مشہور ہے اور اس نسل کی کچھ گائے ایک دن میں 87 لیٹر سے زیادہ دودھ دیتی ہیں۔
