پاکستان کرکٹ ٹیم کے فاسٹ بولر شاہین آفریدی نے شادی کی دوسری سالگرہ کے موقع پر اہلیہ انشا آفریدی کے ہمراہ تصویر جاری کرتے ہوئے بیگم کے نام محبت بھرا پیغام جاری کیا ہے۔
تفصیلات کے مطابق قومی کرکٹر شاہین آفریدی نے شادی کی دوسری سالگرہ کے موقع پر سوشل میڈیا پر اہلیہ انشا کے ہمرا ایک تصویر پوسٹ کی اور ساتھ ہی خوبصورت پیغام لکھا۔
شاہین نے اہلیہ کے نام لکھا کہ یقین نہیں آتا کہ آپ کے ساتھ 2 سال مکمل ہو گئے،میں نے کبھی نہیں سوچا تھا کہ کسی سے اتنی گہری محبت اور ایسا خاص تعلق ممکن ہوگا، لیکن آپ نے یہ حقیقت بنا دیا۔
یہ بھی پڑھیں:چیمپیئنز ٹرافی،دبئی میں پاک بھارت میچ کی تمام ٹکٹیں گھنٹےسے کم وقت میں فروخت
شاہین نے انشا کیلئے لکھا کہ ہمارے زندگیوں کو خوبصورت بنانے کیلئے آپ کا شکریہ، شادی کی سالگرہ مبارک ہو۔
یاد رہے کہ قومی کرکٹر شاہین آفریدی 3 فروری 2023 کو سابق کپتان شاہد آفریدی کی صاحبزادی انشا کے ساتھ رشتہ ازدواج میں منسلک ہوئے تھے۔دونوں کے ہاں گزشتہ برس پہلے بیٹے کی ولادت ہوئی تھی۔
