مظفرآباد(کشمیر ڈیجیٹل)آزادکشمیر سمیت مختلف شہروں میں سونے کی گرتی ہوئی قیمت میں ایک بار پھر اضافہ، سونے کی قیمتوں میں اتار چڑھاؤ کا سلسلہ جاری ، عالمی اور مقامی مارکیٹ میں سونا مزید مہنگا ہو گیا۔
بین الاقوامی بلین مارکیٹ میں فی اونس سونے کی قیمت 13 ڈالر کے اضافے سے 3 ہزار 366 ڈالر کی سطح پر پہنچ گئی۔
پاکستان جیمز اینڈ جیولرز ایسوسی ایشن کے مطابق ایک ہزار 300 روپے کے اضافے کے بعد فی تولہ سونے کی قیمت 3 لاکھ 59 ہزار 300 روپے ہو گئی۔
اسی طرح 10 گرام سونا ایک ہزار 114 روپے مہنگا ہوا جس سے 10 گرام سونا 3 لاکھ 8 ہزار 41 روپے کا ہو گیا۔
سونے کے ساتھ ساتھ فی تولہ چاندی کی قیمت بھی 39 روپے کے اضافے سے 4 ہزار 10 روپے اور 10 گرام چاندی کی قیمت 33 روپے کے اضافے سے 3 ہزار 437 روپے ہو گئی۔
مزید یہ بھی پڑھیں:فیصل ممتازراٹھور کی کاوشیں رنگ لے آئیں، یونیورسٹی آف حویلی ایکٹ منظور
