اسلام آباد؛ نادرا نے جانشینی سرٹیفکیٹ کا حصول مزید آسان بنا دیا، وراثتی جائیداد کہیں بھی ہو،درخواست اب ملک بھر میں نادرا مراکز پر جمع کرائی جا سکتی ہے۔
ترجمان نادرا کے مطابق نادرا کے 186 جانشینی سہولت مرکز اب ہر صوبے کی درخواستیں وصول کریں گے۔
یہ مراکز اسلام آباد،پنجاب،سندھ،بلوچستان،خیبرپختونخوا اور گلگت بلتستان میں قائم ہیں۔
قانونی ورثا اپنی بائیو میٹرک تصدیق نادرا کے کسی بھی مرکز پر کرا سکتے ہیں، بائیو میٹرک تصدیق کی سہولت پاک آئی ڈی موبائل ایپ پر پہلے سے موجود ہے۔
یہ بھی پڑھیں: آزادکشمیر:کمپیوٹرائزڈ الیکٹو رل رول سسٹم کی تیاری میں پیشرفت،نادرا سے معاہدہ طے
پہلے جانشینی سرٹیفکیٹ کی درخواست اسی صوبے میں جمع ہوتی تھی جہاں جائیداد واقع ہو، نادرا ہیڈکوار ٹرز نے تمام متعلقہ مراکز کو نئے طریقہ کار کا نوٹیفکیشن جاری کر دیا۔
ترجمان کے مطابق نادرا ہیڈکوارٹرز نے تمام متعلقہ مراکز کو نئے طریقہ کار کا نوٹیفکیشن جاری کر دیا ہے۔
یاد رہے کہ آزادکشمیرکیلئے نادرا نے جانشینی سرٹیفکیٹ کے مرکز کے حوالے سے اعلان نہیں کیا ہے۔
