کراچی (کشمیرڈیجیٹل)ہونڈا اٹلس نے پاکستان میں باضابطہ طور پر دو نئے دو پہیہ گاڑیاں متعارف کروادیں ۔
ہونڈا اٹلس نے پاکستان میں سی جی 150 اور الیکٹرک موٹرسائیکل متعارف کرادی، یہ مقامی صارفین کیلئے الیکٹرک موٹر بائیک کے حوالے سے ایک اہم قدم ثابت ہو گا۔
اٹلس نے سماجی رابطے کی ویب سائٹ فیس بک پر پوسٹ میں اس پیش رفت کا اعلان کیا۔پوسٹ میں کہا گیا ہے کہ انتظار بالآخر ختم ہو گیا! متحرک اور نیا ماڈل سی جی 150 پیش کر رہے ہیں۔
کمپنی کی ویب سائٹ کے مطابق مطابق 4 اسٹروک انجن سے لیس سی جی 150 سیلف اسٹارٹ اور کک اسٹارٹ دونوں آپشنز فراہم کرتی ہے، جبکہ اس موٹر سائیکل کی قیمت 4 لاکھ 59 ہزار 900 روپے رکھی گئی ہے۔
اس کے ساتھ ہی ہونڈا نے ’آئیکون ای‘ کے نام سے پاکستانی مارکیٹ کے لیے اپنی پہلی الیکٹرک اسکوٹر بھی لانچ کردی۔
اس الیکٹرک ماڈل کی قیمت 4 لاکھ 19 ہزار 900 روپے مقرر کی گئی ہے جو پاکستان کی نیشنل الیکٹرک وہیکل پالیسی کے مطابق ہونڈا کی ای وی سیگمنٹ میں انٹری کو ظاہر کرتی ہے۔
مزید یہ بھی پڑھیں:فیصل بینک کی آفر: ہونڈا سی جی 125 صرف 9,739 روپے ماہانہ قسط پر دستیاب
