ہٹیاں بالا (کشمیر ڈیجیٹل نیوز) سابق وزیراعظم آزادکشمیر راجہ محمد فاروق حیدر خان نے کہا ہے کہ آزادکشمیر میں غیر سیاسی نظام لا ئے جانے سے نظریاتی سیاست کمزور ہوئی ۔
انہوں نے کہا کہ موجودہ حکومت کی کوئی سیاسی نظریاتی آنر شپ نہیں جس کے باعث مسائل پیدا ہوئے ، مسلم لیگ ن ایک نظریہ کا نام ہے جس نے 2016 سے 2021ء کے درمیان نظریاتی سیاسی تعمیر و ترقی اور آئینی و انتظامی محاذ پر تاریخ ساز خدمات سرانجام دیں 2021 کے الیکشن میں عمران خان نے سازش کے تحت ہمارے مینڈیٹ پر ڈاکہ ڈالا جس کے نتیجے میں اس اسمبلی سے تین وزرائے اعظم بدل چکے ۔
ان کا کہانا تھا کہ مسلم لیگ ن میں بڑی تعداد میں عوام کی شمولیت یہ نوید سنا رہی ہے کہ انشاءاللہ آزادکشمیر میں مسلم لیگ ن آئندہ حکومت بنانے جارہی ہے ان خیالات کا اظہار انہوں نے ن لیگ کے ضلعی دفتر میں منعقدہ شمولیتی پروگرام سے خطاب کرتے ہوے کیا ۔
یہ بھی پڑھیں: سابق وزیراعظم راجہ فاروق حیدر ایل سی پر پہنچ گئے ، مودی کو سخت پیغام جاری
اس موقع پر یونین کونسل سیناں دامن سے چوہدری محمد رفیق، چوہدری محمد صدیق، چوہدری طاہر رفیق، چوہدری ابرار، چوہدری کامران، چوہدری یاسر، چوہدری ناصر، چوہدری ارفاق عرفان، چوہدری حفیظ، مقصود حسین، محمد صدام ، محمد فاروق، چوہدری طارق ، چوہدری جہانگیر، چوہدری لطیف ، چوہدری اسد ، چوہدری بشیر، دانش چوہدری ، چوہدری نزیر، چوہدری اظہر، چوہدری مظہر، پرویز،پیپلزپارٹی اور پی ٹی آ ئی چھوڑ کر مسلم لیگ ن میں باضابطہ شمولیت کا اعلان کیا سابق وزیراعظم نے نئے شامل ہونے والوں کو مبارکباد دی اور ہار پہنائے ۔
اس موقع پر سابق ایڈمنسٹریٹر ضلع کونسل فرید خان یونین کونسل سیناں سے سابق امیدوار ضلع کونسل سید امتیاز ہمدانی ایڈووکیٹ و لوکل کونسل عبدالغفور صمد و دیگر بھی موجود تھے راجہ محمد فاروق حیدر خان نے کہا کہ آزادکشمیر میں بلاتخصیص ترقی اور خوشحالی کیلئے مسلم لیگ ن نے عوامی ضروریات کو مدنظر رکھتے ہوئے ریکارڈ ترقیاتی کام کئے جس کے نتائج سب کے سامنے ہیں ۔
یہ بھی پڑھیں: کارکن متحد رہیں،حلقہ 6اور 7 سے الیکشن خود لڑوں گا، راجہ فاروق حیدر کا پیغام
ہٹیاں بالا کے اندر اپنی بساط کے مطابق لوگوں کی خدمت کی ہے آئندہ بھی جب تک رب کریم نے ہمت اور اختیار دیا پوری ایمانداری سے لوگوں کی خدمت کیلئے استعمال کروں گا لوگوں کو آج ہمارا دور یاد آرہا ہے اور آزادکشمیر بھر سے مسلم لیگ ن میں شامل ہونے والوں کی تعداد میں دن بدن اضافہ ہوتا جارہا ہے ۔ہماری حکومت میں ٹیم ورک اور احساس ذمہ داری تھا یہاں کوئی ذمہ داری لینے کو تیار نہیں ۔
سابق وزیراعظم نے اس موقع پر امیدوار ضلع کونسل امتیاز ہمدانی اور عبدالغفور صمد کو ہدایت دی کہ یونین کونسل میں جماعت کو مزید مظبوط اور منظم بنانے کیلئےنئے ساتھیوں اور پرانے کارکنان کے درمیان ہم آہنگی برقرار رکھتے ہوے مزید جو لوگ شامل ہونا چاہ رہے ہیں کے حوالے سے بھی پروگرامات کو حتمی شکل دیں۔
