نئی دہلی :بھارت کے اپوزیشن لیڈر راہول گاندھی نے پاک بھارت کشیدگی کے دوران 5 طیارے مار گرائے جانے سے متعلق امریکی صدر ڈونلڈ ٹرمپ کے حالیہ بیان پر بھارتی وزیراعظم نریندر مودی سے وضاحت دینے کا مطالبہ کر دیا۔
امریکی صدر نے جمعے کے روز وائٹ ہاؤس میں ایک تقریب کے دوران ’انڈیا-پاکستان جنگ رُکوانے‘ کا ذکر کرتے ہوئے دعویٰ کیا کہ اس دوران ’پانچ لڑاکا طیارے مار گرائے گئے۔ تاہم انہوں نے اس معاملے کی تفصیل نہیں بتائی۔
ٹرمپ کے اس بیان کے بعد راہول گاندھی نے بھارتی وزیراعظم نریندر مودی سے امریکی صدر کے بیان پر وضاحت دینے کا مطالبہ کیا۔ انہوں نے سوشل میڈیا پر جاری پیغام میں سوال کیا:”مودی جی، 5 طیاروں کا سچ کیا ہے؟ قوم کو جاننے کا حق ہے۔”
یہ بھی پڑھیں: ملک بھر میں مون سون کا چوتھا اسپیل شروع، آزاد کشمیر سمیت کئی علاقوں میں بارش اور لینڈ سلائیڈنگ کا خدشہ
راہول گاندھی نے سوشل میڈیا پر صدر ٹرمپ کے اُس بیان کی ویڈیو بھی شیئر کی جس میں انہوں نے 5 طیارے مار گرائے جانے کا اعتراف کیا تھا۔
