واشنگٹن:امریکی صدر ڈونلڈ ٹرمپ نے ایلون مسک کو خبردار کیا ہے کہ اگر وہ آئندہ انتخابات میں ڈیموکریٹس کی حمایت کرتے ہیں تو ا س کےسنگین نتائج برآمد ہو سکتے ہیں۔
صدر ٹرمپ نے امریکی میڈیا سے فون پر بات کرتے ہوئے کہا کہ ان کا اب مسک سے تعلقات بحال کرنے کا کوئی ارادہ نہیں ہے ۔
دریں اثنا، انرجی ٹائیکون ایلون مسک نے سوشل میڈیا پر ٹرمپ کو سزا یافتہ جنسی مجرم جیفری ایپسٹین سے جوڑنے والی ایک پوسٹ کو ہٹا دیا۔
یہ خبر بھی پڑھیں :ٹرمپ اور ایلون مسک کی دوستی دشمنی میں بدل گئی، ایک دوسرے پر سنگین الزامات
جب صدر ٹرمپ سے پوچھا گیا کہ کیا مسک کے ساتھ ان کے تعلقات مکمل طور پر ختم ہو گئے ہیں تو انہوں نے جواب دیاہاں، مجھے ایسا لگتا ہے ۔
ٹرمپ نے مسک کے بارے میں ایک اور انتباہ بھی جاری کیا خاص طور پر ان قیاس آرائیوں کے درمیان کہ مسک 2026 کے وسط مدتی انتخابات میں ڈیموکریٹس کی حمایت کر سکتے ہیں۔
اگرچہ صدر ٹرمپ نے ان نتائج کی تفصیل نہیں بتائی لیکن ایلون مسک کی کمپنیوں کے لیے حکومتی معاہدوں پر ردعمل ان کے کاروبار کی حیثیت کو دیکھتے ہوئے ممکن ہو سکتا ہے۔
یہ خبر بھی پڑھیں :ٹرمپ ایلون مسک تنازعہ ،امریکہ کے22 بلین ڈالر کے سرکاری معاہدے خطرے میں پڑ گئے
ٹرمپ نے کہا کہ مسک کو حکومت کے لیے کام کرتے ہوئے بے شمار رعایتیں اور مراعات دی گئی تھیں لیکن اب ان کا ان سے بات چیت کا کوئی ارادہ نہیں ہے۔
