بیجنگ:چینی کمپنی کی جانب سے پاکستان کیلئے سستی ترین پہلی الیکٹرک ہیچ بیکXiO EV کی قیمتوں اور تفصیلات کا باضابطہ طور پر اعلان کردیا گیا ہے۔
انوریکس XiO ایک کمپیکٹ 4 دروازوں والی برقی گاڑی ہے جو چین میں تیار کی گئی ہے۔ یہ 3 مختلف اقسام (ویریئنٹس) میں پیش کی جائیگی۔ ان گاڑیوں کو شہریوں کی ڈرائیونگ کی مختلف ضروریات کو پورا کرنے کیلئے ڈیزائن کیا گیا ہے۔
تینوں قسمیں ایک ہی چارج پر بالترتیب 140 کلومیٹر، 220 کلومیٹر اور 320 کلومیٹر کا سفر طے کریں گی جن کی الگ الگ قیمتوں کا اعلان کردیا گیا ہے۔
XiO 140کی قیمت34لاکھ 99ہزار روپے رکھی گئی ہے جبکہ بکنگ کی رقم 5لاکھ روپے رکھی گئی ہے۔
XiO 220کی قیمت 41لاکھ 99ہزار روپے مقرر کی گئی ہے جبکہ اس کی پرومو قیمت 39لاکھ 99ہزار ہے اور بکنگ کی رقم 6لاکھ ہے۔
XiO 320کی قیمت 51لاکھ 99ہزار روپے ہے جبکہ اسکی پرومو قیمت49لاکھ99ہزار جبکہ بکنگ7لاکھ روپے سے کرائی جا سکے گی۔
انوریکس کے مطابق XiO EV DC فاسٹ چارجنگ ٹیکنالوجی کو سپورٹ کرتی ہے جس سے بیٹری کو صرف 30 منٹ میں 30 فیصد سے 80 فیصد تک چارج کیا جا سکتا ہے۔
یہ ایک اہم خصوصیت ہے جس کا مقصد شہر کے ڈرائیوروں کیلئےبرقی نقل و حرکت کو مزید عملی بنانا ہے۔
Inverex XiO EV کی اہم خصوصیات
ایک چارج پر 320 کلومیٹر تک ڈرائیونگ رینج،DC فاسٹ چارجنگ (30 تا 80 فیصد چارجنگ آدھے گھنٹے میں)بلٹ ان ریڈار سسٹم،اسمارٹ حفاظتی خصوصیات،مفت ایک سالہ انشورنس شامل ہیں۔
XiO کی لانچنگ کے ذریعے انوریکس پاکستان کی الیکٹرک گاڑیوں کی مارکیٹ میں انٹری دے گی۔
یہ بھی پڑھیں: پاکستان میں رواں سال سب سے زیادہ فروخت ہونیوالی گاڑی کون سی ہے؟
