بھارت میں جاری آئی پی ایل معطل کردی گئی ہے ، یہ دعویٰ کیا ہےبھارتی میڈیا نے بی سی سی جلد لیگ کی معطلی کے حوالے سے تفصیلات بتائے گا ۔
قبل ازیں گزشتہ روز میچ شروع ہونے کے کچھ دیر بعد اسٹیڈیم کی لائٹیں بند کر دی گئیں تھیں اور 11 منٹ بعد ہی میچ ختم کرنے کا اعلان کر دیا گیا تھا ۔
بھارتی کرکٹ بورڈ نے دھرم شالا میں جاری آئی پی ایل کا میچ اسٹیڈیم میں تکنیکی خرابی کا بہانہ بنا کر ختم کر دیا تھا۔
یہ خبر بھی پڑھیں ۔دھرم شالہ سٹیڈیم کی لائٹیں اچانک بند، آئی پی ایل کا میچ گیارہ منٹ بعد ختم
جمعرات کے روز پنجاب کنگز اور دہلی کیپیٹلز کے درمیان ہونے والے میچ میں صرف 10.1 اوورز کرائے گئے تھے کہ اسٹیڈیم کی لائٹیں بند کر دی گئیں اور لائٹیں بند کرنے کے 11 منٹ بعد تکنیکی خرابی کا بہانہ بنا کر میچ کے ختم کیے جانے کا اعلان کر دیا گیاتھا ۔
بی سی سی آئی کی جانب سے جاری ہونے والے بیان میں کہا گیا تھاکہ علاقے میں بجلی کی بندش کی وجہ سے ایک لائٹ ٹاور خراب ہوگیا ۔ بھارتی بورڈ میچ دیکھنے آئے شائقین کو زحمت پہنچانے پر شرمندہ ہے۔
اب بھارتی میڈیا کے مطابق آئی پی ایل کو معطل کردیاگیا ہے اور اس حوالے سے جلد بورڈتفصیلات بتائے گا ۔
