کوئٹہ(کشمیر ڈیجیٹل) بھارتی پراکسی، کالعدم دہشتگرد تنظیم’بلوچ لبریشن آرمی‘ سے تعلق رکھنے والے دہشتگردوں نے ضلع کچھی کے علاقے مچھ میں سکیورٹی فورسز کی گاڑی کو دیسی ساختہ بم سے نشانہ بنایا۔
دستی بم حملے میں سکیورٹی فورسز کے 7 بہادر بیٹوں نے جام شہادت نوش کرلیا۔ شہداء میں صوبیدار عمر فاروق (عمر 42 سال، رہائشی کراچی) نائیک آصف خان (عمر 28 سال، رہائشی کرک)، نائیک مشکور علی (عمر 28 سال رہائشی اورکزئی)، سپاہی طارق نواز (عمر 26 سال؛لکی مروت، سپاہی 28 سال، ضلع کرک کا رہائشی)۔سپاہی واجد احمد فیض (عمر 28 سال؛ رہائشی باغ)، سپاہی محمد عاصم (عمر 22 سال؛ رہائشی کرک اور سپاہی محمد کاشف خان (عمر 28 سال؛ رہائشی کوہاٹ شامل ہیں۔
ترجمان پاک فوج کا کہنا تھا کہ علاقے میں موجود کسی بھی دہشتگرد وںکو ختم کرنے کیلئے علاقے میں آپریشن کلین اپ شروع کردیا۔، اس گھناؤنے اور بزدلانہ فعل کے مرتکب افراد کو انصاف کے کٹہرے میں لایا جائے گا۔
پاکستان کی سکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کیلئے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔پاکستانی سرزمین پر کام کرنے والے بھارت اور اس کے پراکسیز کے مذموم عزائم کو بہادر سکیورٹی فورسز، ایل ای اے اور پاکستان کی بہادر قوم انشااللہ شکست دے گی۔
