اسلام آباد ( مانیٹرنگ ڈیسک ) پی ایس ایل کے 10ویں ایڈیشن میں پہلی بار اردو کمنٹری متعارف کرانے کی تیاریاں کرلی گئی ہیں ۔
بورڈ کی جانب سے جاری بیان میں کہا گیا ہے کہ پی ایس ایل کی تاریخ میں پہلی بار شائقین پورے ٹورنامنٹ میں پورے میچ کی اردو کمنٹری سے لطف اندوز ہو سکیں گے۔
شائقین اردو میں براہ راست نشریات دیکھ سکیں گے جس سے وہ پاکستان کی قومی زبان میں لیگ میچوں کے ایکشن اور جوش و خروش سے لطف اندوز ہو سکیں گے۔
پی ایس ایل کے چیف ایگزیکٹو آفیسر سلمان نصیر کا کہنا ہے کہ یہ شائقین کے لیے ایک تاریخی لمحہ ہے۔
یہ خبر بھی پڑھیں ۔پی ایس ایل10؛ آن لائن ٹکٹوں کی فروخت کا آغاز ہوگیا، کہاں سے ملیں گے؟
پاکستان میں کرکٹ ایک طاقت ہے اور اس کے ذریعے ہم شائقین کے دلوں میں گھر بنانا چاہتے ہیں۔
نشریات کی تفصیلات بشمول انگریزی اور اردو دونوں کے کمنٹری پینلز کا اعلان مقررہ وقت پر کیا جائے گا۔
واضح رہے کہ پاکستان سپر لیگ کا 10واں ایڈیشن 11 اپریل سے شروع ہوگا۔
یہ خبر بھی پڑھیں ۔پی ایس ایل کے شیڈول کا اعلان ہوگیا،کون سی ٹیم کا میچ کب اور کہاں ہوگا؟
