وزارتِ عظمیٰ کا منصب سنبھالتے ہی وزیراعظم بیرسٹر افتخار گیلانی کی دربار سائیں سخی سہیلی سرکار پر حاضری

تازہ ترین, کشمیر ڈیجیٹل / / By

آزاد جموں و کشمیر کے نومنتخب وزیراعظم بیرسٹر سید افتخار علی گیلانی نے وزارتِ عظمیٰ کا قلمدان سنبھالتے ہی اپنے انتظامی سفر کا آغاز روحانی عقیدت کے ساتھ کیا ہے۔ منصب سنبھالنے کے پہلے ہی روز وزیراعظم نے دارالحکومت مظفرآباد میں واقع خطے کے عظیم روحانی پیشوا حضرت سائیں سخی سہیلی سرکار کے معروف دربار پر حاضری دی۔

چادر پوشی اور خطے کی سلامتی کے لیے دعا

دربار پر حاضری کے موقع پر نومنتخب وزیراعظم نے مزار پر  فاتحہ خوانی کی۔ انہوں نے آزاد جموں و کشمیر کے امن، معاشی استحکام، سیاسی و انتظامی ترقی اور عوام کی خوشحالی کے لیے خصوصاً دعائیں مانگیں۔ اس موقع پر بیرسٹر افتخار علی گیلانی نے اس عزم کا اعادہ کیا کہ وہ عوامی مسائل کے حل اور انصاف کی فراہمی کے لیے اپنی تمام تر توانائیاں صرف کریں گے۔

یہ بھی پڑھیں: آزاد کشمیر میں وہی تبدیلی دیکھیں گے جس کی نون لیگ سےعوام توقع رکھتے ہیں، ایوانِ صحافت میں وزیراعظم بیرسٹر افتخار گیلانی کی گفتگو

ناریل بیچنے والے بچے کے بارے میں وزیراعظم کا دلچسپ تبصرہ

دربار پر حاضری اور آمد و رفت کے دوران ایک خوشگوار موقع بھی دیکھنے میں آیا، جہاں ایک کم عمر بچہ ناریل فروخت کر رہا تھا۔ اس موقع پر وزیراعظم بیرسٹر افتخار علی گیلانی نے بچے سے شفقت سے گفتگو کی اور مسکراتے ہوئے ایک نہایت دلچسپ و مزاحیہ تبصرہ کیا کہ “یہ وہی بچہ ہے جو ہر سیاسی جماعت کے جلسے میں پہنچ جاتا ہے اور جس جماعت کا جلسہ ہو، اسی کے نعرے لگانے لگتا ہے!” وزیراعظم کے اس جملے پر وہاں موجود لوگ، صحافی اور خود بچہ کھلکھلا کر ہنس پڑے۔

مزید پڑھیں: اشتیاق احمد کے مشہور ناول کا کردار انسپکٹر جمشید اب سینما میں، فلم ’آئی جے‘ کا پہلا سسپنس تھرلر ٹریلر ریلیز

Must Read