ایران کا ایک بڑا وفد امریکہ کے ساتھ مذاکرات کے لیے اسلام آباد پہنچ گیا ہے جس میں 71 ارکان شامل ہیں۔
ایرانی خبر رساں ایجنسی تسنیم کے مطابق اس وفد کی قیادت ایرانی پارلیمنٹ کے اسپیکر محمد باقر قلی باف کر رہے ہیں۔ وفد کے اہم ارکان میں وزیر خارجہ عباس عراقچی، سینٹرل بینک آف ایران کے گورنر عبدالناصر ہمتی، سپریم نیشنل ڈیفنس کونسل کے علی اکبر احمدیان، نائب وزیر خارجہ کاظم غریب آبادی اور وزارت خارجہ کے ترجمان اسماعیل بقائی شامل ہیں۔
یہ بھی پڑھیں: ایران کا اعلیٰ سطحی وفد اسلام آباد پہنچ گیا، شاندار استقبال
ایرانی پارلیمنٹ کے کچھ ارکان بھی اس دورہ پاکستان میں وفد کا حصہ ہیں۔ رپورٹ میں بتایا گیا ہے کہ اس گروپ میں مرکزی مذاکراتی ٹیم کے ساتھ ساتھ تکنیکی کمیٹیاں اور ماہرین کی ٹیمیں بھی شامل ہیں جو مشاورت میں معاونت کریں گی۔ اس وفد میں میڈیا کے نمائندے، پروٹوکول اور سیکیورٹی اہلکار بھی شامل ہیں جو ان طے شدہ مذاکرات کی وسعت اور اہمیت کی عکاسی کرتے ہیں۔
