بھارتی اسپنر کلدیپ یادیوبھی ایشیا کپ مینز ٹی ٹوئنٹی 2025 کے دوران پاکستان فاسٹ باؤلرشاہین شاہ آفریدی کی بیٹنگ کی تعریف کیے بغیر نہ رہ سکے ۔
انہوں نے کہا کہ جب آپ بولنگ کرتے ہیں تو مخالف بیٹرز کو پڑھنے کی کوشش کرتے ہیں، کچھ اچھے بیٹرز جو اسپنرز کو اچھا کھیلتے ہیں ۔
کلدیپ یادیو نے کہا کہ شاہین آفریدی واقعی بہت اچھا کھیل پیش کررہے رہے ہیں، گزشتہ دو میچوں میں انہوں نے عمدہ اسٹوکس کھیلے ہیں ۔
بھارتی اسپنر نے کہا کہ کرکٹ ایسا کھیل ہے جہاں آپ غلطیاں کرتے ہوئے بھی سیکھتے ہیں ، کوئی دن آپ کے لیے اچھا نہیں بھی ہوتا ہے لیکن اس سے بھی آپ سیکھتے ہیں اور بہتری لاتے ہیں ۔
شاہین آفریدی نے بھارت اور متحدہ عرب امارات کے خلاف شاندار آل راؤنڈر کارکردگی کا مظاہرہ کیا ، بھارت کے خلاف 206.25 کے اسٹرائیک ریٹ سے 16 گیندوں پر 33 رنز بنائے جس میں چار بلند و بالا چھکے شامل تھے ۔
مزید یہ بھی پڑھیں:بھارت کیخلاف سپر فور میں چیلنج کیلئے مکمل تیار ہیں : سلمان آغا
تاہم پاکستان کو بھارت کے خلاف لو اسکورنگ کے باعث میچ میں شکست کا سامنا کرنا پڑا ۔
گزشتہ روز یو اے ای کے خلاف میچ میں شاہین شاہ نے ایک بار پھر آل راؤنڈر کارکردگی دکھائی اور 3 چوکوں، دو چھکوں کی مدد سے 14 گیندوں پر 29 رنز بنائے اور تین اوور میں 16 رنز دے کر دو وکٹیں بھی اپنے نام کیں ۔
